2 Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.
Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.
Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,
Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.
Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.
mì la tiw niaa pila ba handɔɔ o dɛnɛ niaa sina-o coo, mì la va vanaa biwnannda handɔɔ o tiw niaa tiw niaa pila ba-o coo, mì la handu ɲííye o biuvɔn niaa coo,
Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.
Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.
Te vanaa seemɛiya naa n co lekɛ́ndɛi ni, mɛɛ le Hala naa n seema lende ni. Kɛ te o va yɛ pɛ maa vanaa sim bolle-a naa n co ni, mɛɛ le niaa naa n co lende ni.
Vannda va pɛ pisultan pɛɛkoo, a hendulun tɔŋnda kalalan. Le bɛɛle viw le len sɔlaa nda tosa kon ni. Kɛ naa naa, n co kon tosaa le bɛɛle co le lɔ́ɔ́-lɔ́ɔ̀ len sɔlaa.
Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»
O kon mí vannda fula le kɔlan dɛnɛ yɔŋnun kon-ndo tofaa. Ndáà tiiya nɛɛ Yeesu va-a, má komal langbanɔ ɲinaa vɔɔnda va kon nin-ndo icali Yeesu o labɛngunin, volɔɔlan la va ndu lekɔɔ, ndóò muungu nin o ndu pila nin. Mí siòònde bii nda.
Má kɔa nɛɛ Yeesu va-a, má komal langbanɔ ɲinaa vɔɔŋaa sɛ́lɛ́a kan va nin-ndo icali a volɔɔlan lekɔɔ, ndóò muungu nin o ndu pila nin. Mí siòònde bii nda taw.
Lende vɛlɛ koni, vanaa baalaa co vannda malaa o kunda vanaa laalannda tɛɛn-nda bɛnda mà va vanaa kennùn bɛɛlen-nda, ma va vanaa toɲaa. A yɔngun mɔiyan te, a va vanaa nuwviaa tɔnɔ lakafa-a le,
le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.