Tite 2:13 - BII BILA

¹³ Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Tite 2:13 Referans Kwoze

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Tite 3:4

Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o,

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Rɔmnda 8:18

I ce maa vana tuu sangala co naa coo sisa lan a biilu hun fulanin ceen le naa-o le.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

2Timote 1:2

I co nɔm Timote, po ni ya kaola-o sɛbɔɔ ho sɛval. Màá Hala Fuɲaa nda Maalii naa Yeesu Krista tosal nɔm kɛndɛi, mà tuinin nɔm iɲíí, mà ke nɔm kɔlɲuloo!

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.