Tite 1:8 - BII BILA

⁸ Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

Tite 1:8 Referans Kwoze

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

1Masaa 5:7

Masaa n'bungaa tɔ́ a à ŋiɔnda va masaa Salomɔn a vanaa va ɲɛdiaa dioo o ndu lo cɛinin-nda baloo dɔvɔɔ ni. Masa ibunga oo masa ibunga ndóò nɔ paangii ndóò yɔngu balo kon-nde. Ndáà nɔ hɔlten o sɔɛi balo kon coo ni haliko ɲɛ-ɲɛ ndóò bii masaa lepɛŋ te.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

1Nsaŋ 3:14

N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

Condii lisai 16:3

Vanaa diandaa co o lɛŋnden nden nin-nda, nda pila, a vanaa kpaayaa, kan co vanaa hɛnan ya-a ni.

1Masaa 5:1

Salomɔn va vɛlɛ masalen tosaa o masɛi yɛ́-yɛ́i va kandɔɔ o pee bɛndoo Efrate-e coo, keiyo a lɛŋnde Filistia, kɔlan tiiyaa háá o pɛɛngulan a lɛŋnde Esipte len. Háá mó vu, vanaa kan va muloo malɔɔ ndu o ba, a va vɛlɛ ndu baalaa tosallo.

1Samiɛl 18:1

David ciiyo suukanndo nda Saul, mí Yonatan holnun David, mó kaola ndu maa ndu pila.

2Timote 3:3

A nɔnin iɲíí le, a vanin vanaa bii tɛɛlɔn te-a, vanaa tɛɛmbuu caanda diolan-nda, vanaa bii kɔlta ndalan te-a, vanaa kɔlvesɛiya a vanaa yeema dɛnɛ kɛndɛ le-a.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»