Tite 1:6 - BII BILA

⁶ Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.

Tite 1:6 Referans Kwoze

1Timote 3:12

Vana co vanaa laalannda malaa-o bɛnda mò nɔ lanɔɔ ndu pilɛ kpé, mo va vana caa cuavaa ndɔa a yungule ndɔlen biyɔɔ-o.

Tite 1:10

Kani vanaa bɔɔ-bɔɔ co Yuifia laalan-nda tɛɛn, vanaa nila kalua, vanaa sondola yeelɛiya a vanaa huiyaa n'vannda nda co ni.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Esekiɛl 44:22

Vana-solia-lasálàá va pɛ lanɔɔ yilɔɔ, o bɛnda mò yil vanalanɔ pɔnɔ ndɔ vi-o o nɔ̀u nin te, o bɛnda vɛlɛ mo yil vanalanɔ kɛyan nda pɔnɔ ndɔ-o le. Kɛ o bɛnda mò cua cuaambɔ laandu hiw-vɔ vanapɔnɔ kɔɔli loo o cuavaa Israɛlla tɛɛn, o nɔla vɛlɛ mò cua vanalanɔ pɔnɔ ndɔ vi-o te vana-solia-lasálàá pɔnɔ ndɔ kon ndóò va ni.

Tɔŋ lasálàá 21:7

Vana-solia-lasálàá bɛnda mò cua vanalanɔ suundɛiyo, te kon te vanalanɔ vanapɔnɔ celen laasiaa nin-ndo o nɔ̀u nin te. Ò cua vɛlɛ vanalanɔ pɔnɔ ndɔ kɛɛ-o o nɔ̀u nin te. Kani vana-solia-lasálàá bɛnda mò va vana diandaa siŋnun teengen le vali Mɛlɛka-o-o.

1Tesalonikea 5:14

N co niaa tɛɛlɔn puapilɛa naa, la kanalan vanaa siɛlɛiya, la luei vanaa nɔ siòònde-a yoomuan, la mala vanaa co o sangaa nin-nda mì la biwnun a vana-vana.

Luke 1:5

Telen Herɔde va masaa Yuda-o, vana-solia-lasálàá pum va lon, diolan Sakari, fulaa o polale Abia len nin. O polale Aarɔn-nden nin laa ndɔ bɛɛ ndóò fula ni, lanɔ kon diolan Elisabɛt.

Talelan 28:7

Hɔ́ɔ́ bii silalan-ndo co hɔ́ɔ́ taasio ni, kɛ vanndo holnun pɛ vanaa laasiannda, o tuisi fuɲa ndɔ siɛmbulan.

1Samiɛl 2:22

Helii ndóò yuuva nin taw, mó tuɛi ɲɛ poaa ndɔa va tosaa a Israɛlla-o, mó tuɛi vɛlɛ maa a va hinilan a vanlaandua va hunɔɔ baalaa tosaa o Cɛi-Hala-o sondoo-a.

1Samiɛl 2:11

O kon kɔɔli, má mɛi Samiɛl Silo, Helii vana-solia-lasálàá o labɛngunin le Mɛlɛka baalaa tosallo, mí Ɛlkana ndu muungun o ndu lo Rama.

Tɔŋ lasálàá 21:14

O bɛnda mò cua vanlaandua ha o pilɛ o nɔ̀u nin te: vanalanɔ pɔnɔ ndɔ vi-o, vanalanɔ pɔnɔ ndɔ kɛɛ-o, vanalanɔ suunda nin-ndo. Kɛ o bɛnda mò yil vanalanɔ hiw vɔ vanapɔnɔ kɔɔli loo o nɔ̀u nin o vanayan ndɔn tɛɛn,

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Malasi 2:15

Vɛ̀ɛ̀ o co dialii pilɛi le Mɛlɛka siinguu niaa niaa ndu o kɔllo a o falon nin te? Yɛɛ nɛ vanaciee pilɛ kon yeema yɛ? Vɛ̀ɛ̀ o co le cuavaa Hala yɔngu-a sɔlaa le? Lelan la caa a niaa pila, la hui lanɔ niaa yil o felengiyɛi nin-ndo le.

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,