Tite 1:5 - BII BILA

⁵ I mɛi nɔm Krɛte haliko ma bɛɛndiaa dɛnnda co le bɛɛndiaa lon-ndan. O kobi oo kobi nin, mà hɛli simlacia vanaa laalannda tɛɛn mɛɛ ya sila nɔm yɛ.

Tite 1:5 Referans Kwoze

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.

1Korɛntea 14:40

Kɛ la va dɛnndan kpow tosaa o bɛɛlen nin a o polalen.

2Timote 2:2

Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.

1Korɛntea 11:34

Te yiyan ma va pɛ vanndo pum nɛiyo, mɛɛ o dio o ndu lo, yɔŋii niaa pila sɔla yaalaa telen niaa va a cuungiannda-o. Le sɔɔn tɔ̀un yɛ, lɔ́ɔ́ ya kɔanin-ndo, i siownin mun toosiaa.

Dɛnnda kiilaa 27:21

Mí ɲɔɔ viaw háá, vanaa va o dɛ̀ndɔ̀ɔ́ nin-nda di ɲɛ-ɲɛ le. O kon mí Pol sim nda tɛɛn, mó dimul nda aa: «Te niáà tuei pɛ ya diom maa n faŋan Krɛte le, n ve sanga mì náà n tɛɛmbuu ɲɔɔn mun nuaa le.

Dɛnnda kiilaa 27:12

Handɔɔ o kon coo, nɛɛ simiaa dɛ̀ndɛ̀a kan ve fonda kɛndɛ le sialten hiovio lon te. Le hee, mí vanaa bɔɔ-bɔɔ va o dɛ̀ndɔ̀ɔ́ nin-nda yiyan le faŋanndo o fonda kon. O yiyan ndaa nin, ndáà yeema mì ndáà tiiya Fenikse, nɛɛ simiaa ladɛ̀ndɛ̀a o lɛŋnde Krɛte len nin pɛɛn, o co ba too a á ba paalen le del-lo tɛɛn-ndo. Lon ndáà yeema le sialten hivio ni.

Dɛnnda kiilaa 27:7

Palɛi bɔɔ-bɔɔ n va kɔlan o mɛnndan coo o pɔm-pɔmbɔ. Lɔ́ɔ́ naa n kɔ tiiya o kobio Knide-o, mí n sanga taw, kani hoeiye cɛl naa le tiiyaa o kɔngɔɔ le. Mí n demul Krɛte a kpengii kɔngɔɔ Salmonee.

Dɛnnda kiilaa 11:30

Má tosa lende. Má soli ɲɛm mun, má yɔngu Barnabas nda Sol, mí nda yoo kaasoŋaa kɔlkalua Yuda ɲɛm-kéan ndan mun.

Esai 44:7

Nɛ̀ɛ́-nɛ̀ co yɛ maa ya? Vana kon sɔlɔlan niko! O dimi niko sɔɔn co hunɔɔ yɔŋnɔn siɔdii laci-on mò cɔm ya mun! O cɔm niko dɛnnda tosan paandu kandɔɔ a boondii yungoo ho-e háá telenndo ho lan! O dimi niko pɔɔ ɲɛ hun yɔŋnunnin siɔdii laci-o!

Kolɔsea 2:5

Kani mi ve bɛɛ niaa tɛɛn o diallon nin te, i co niaa tɛɛn o kɔllo nin, mì ɲɔɔ va ya hɛnanndo le niaa cɔu simndan yili, mì la va lou o laalan co o Krista nin-ndo coo.

Dɛnnda kiilaa 2:11

Krɛte a Arabii, má hun nanu. Yuifia a pum co ni, a pum yɛ, má luɛi o kaannde Yuifia. Kɛ nduyɛ, n co ɲɛ nda co dimio-o tueyɔɔ o sɔɔn naan mangalan yɛ́-yɛ́-on nin, o nda co dimio a dɛnnda kaamaala Hala tosa lan o kɔɔ-o pɛɛn!»

1Dɛnnda lemasalan 6:32

Mahli, Musi, Merari a Levii.

Dɛnnda kiilaa 27:13

Hoeiye kandɔɔ hɔŋndo ɲɛ-pɔmbɔ fulaa a ba too, má yiyan maa tuu ndaa naŋ. Má timbi dɛ̀ndɔ̀ɔ́, má can Krɛte demullo.

1Korɛntea 4:17

Le hee, i co Timote po ni ya kaola taw-vo vomɔɔ o niaa lo, vana lo o lediom coo a Mɛlɛka-o o co ni. O yiyalannin niaa nɛila ya co kelaa coo o Krista nin-ndan a mɛɛ ya co keiyo pɛɛkoo vanaa laalannda tɛɛn nɛɛ-nɛɛ ka yɛ.

Tite 1:12

Vana-tɛɛngaa-diom Hala-o pum dimi ni, Keretiinɔɔ pɛɛn aa: «Vanaa lacòòvaa Krɛtia co lɔ́ɔ́-lɔ́ɔ̀ ni, maa visia biyaa nda co ni, vanaa siɛlɛyaa yeema dioo tuŋ-nda.»

Tɔŋ lasálàá 14:42

Kon cuu pɛ, a cua powta celen, a mingi handɔɔ o fonda powta tasela sɔŋndo pilan-ndan la va-o, a linda vɛlɛ puulu celen a mingi cɛiyo yikpa.