Tite 1:4 - BII BILA

⁴ I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

Tite 1:4 Referans Kwoze

2Timote 1:2

I co nɔm Timote, po ni ya kaola-o sɛbɔɔ ho sɛval. Màá Hala Fuɲaa nda Maalii naa Yeesu Krista tosal nɔm kɛndɛi, mà tuinin nɔm iɲíí, mà ke nɔm kɔlɲuloo!

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

2Korɛntea 2:13

Kɛ nduyɛ, i va buulanndo taw, kani i komal Tite puapilɛ nuu lon te. Le hee, mí congun yungoo Troas, mí kɔa Maseduan.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

2Korɛntea 8:23

Le Tite yɛ, ndu co vana liila ya-o a vana naa n co baala pilɔɔ tosaa-o ni. Puapilɛa tɔ̀a co kɔlan nda ndaa-a yɛ, vanaa kundala vanaa laalannda vem-nda nda co ni. Le biilu Krista-o nda co baalaa ni.

Rɔmnda 1:12

Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»

1Nsaŋ 5:14

Tiindan naa n nɔ o ndu nin-ndo co hoo ni: te n ɲuna ndu pɛ ɲɛ pum, o co hɛnan ndɔɔ-o, o yaŋ naa nilan.

2Piɛr 3:2

La loonun-ndɔ sɔɔn vanaa-tɛɛngaa-diom Hala-a diandaa dimi sindɛ-on a tɔŋ kiilaa niaa, tɔŋ Mɛlɛka-o a tɔŋ Vana Ciindiaa.

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

Tite 1:3

Nduyɛ, mɛɛ telen o kelu-o tiiya, mó cɔm sɔɛi ndɔɛi o yɔngu ya le vannda tiiyallo-e mɛɛ ndu Hala Vana naa Ciindiaa dimi yɛ.

Kolɔsea 1:2

Le puapilɛa naa, vanaa co yungu Hala-o Kolɔse-a. Màá Hala Fuɲa naa cɔ niaa ɲia, mò ke niaa kɔlɲuloo!

Efɛsea 1:2

Màá Hala Fuɲa naa nda Maalii Yeesu Krista a tosal niaa dɛnɛ kɛndɔɔ mà ke niaa kɔlɲuloo!

Kalatea 2:3

Kɛlɛkenɔɔ Tite yáà kɔɛ kon kɔɔli-o va ni, kɛ a beŋ bɛɛ ndu le tooma diyɔɔ le.

2Korɛntea 12:18

I tɛɛlun Tite le kɔlan o niaa lo mí viam puapilɛ naa pum nda ndu. Vɛ̀ɛ̀ delɔɔ Tite del niaa coo ni? Vɛ̀ɛ̀ o co a yiyan pilɔɔ le naa n kela le? Vɛ̀ɛ̀ o co o foofola pilɛlan coo le naa n kɔɛ le?

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

2Korɛntea 8:6

Lelan naa n tɛɛlun Tite ni, mò kɔɛ o niaa lo, mò kɔ hiow laci a vali kɛndɔɔ ho tosaa mɛɛ o kandu ndu yɛ.

2Korɛntea 7:6

Kɛ mí Hala, vana ɲɔɔlu vanaa co o mɔnɛi nin-nda-o ɲɔɔlu naa telen Tite hin-ndo.

2Korɛntea 4:13

Nduyɛ, o co o sɛvaa aa: «I laalan, lelan ya soo ni.» Lende koni, naa bɛɛ, n laalan, lelan naa n co sɔɛi ni.

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

2Timote 1:1

Ya Pol siŋnun kiila Yeesu Krista-o o hɛnan Hala-o nin a mɛɛ kpema cindaa co o Yeesu Krista nin yɛ-o.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.