Tite 1:3 - BII BILA

³ Nduyɛ, mɛɛ telen o kelu-o tiiya, mó cɔm sɔɛi ndɔɛi o yɔngu ya le vannda tiiyallo-e mɛɛ ndu Hala Vana naa Ciindiaa dimi yɛ.

Tite 1:3 Referans Kwoze

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

Tite 2:10

a ciimbuu ɲɛ-ɲɛ nda kɔɔli le. Kɛ a va dɛnɛ kɛndɔɔ tosaa lɔ́ɔ́-lɔ́ɔ̀, mà lo o lediom coo, haliko mi vannda ke pɛɛkula Hala Vana ciindiaa naa bɛɛlen.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Timote 2:3

Ɲɛ naŋ mo hɛnan Hala vana ciindiaa naa-o co kon ni,

1Tesalonikea 2:4

Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

1Korɛntea 9:17

Te i tiiyal pɛ vannda Yoongu kɛndɔɔ a kɔl nuu, i sɔla vɔ̀ngɔ̀ɔ́. Kɛ te i tosa pɛ kon mò ve a kɔl ni le, mɛɛ baala yɔngun ya-o daama ya co tosa kon lende ni.

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Filipea 1:13

Kani simlacia kɛ́-kɛ̀ co o cɛi lemasaa nin a à tɔ̀a kpede a sínà nin maa le baala Krista ya co tosaa-o ya co o kaasoo nuaa ni.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 5:6

Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Luke 1:47

i dɔwnun ɲaale le Hala, Vana Ciindiaa nuu,

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Marke 13:10

Fɔ mì Yoongu Kɛndɛ Hala-o tiiyalan fɔlɔn vanaa-mangalaa-isɔɔa súúlan kpow.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Daniɛl 11:27

Yeemɛi biinin masaa ŋiɔŋaa kan le dɛnɛ vɔɔndo tosaa, a vanin icali nɛɛ pilɛ ma dimulan còòlan, kɛ còòla lan la nɛŋinin ɲɛ-ɲɛ le, kani telen kelun-ndo tiiya vɔnin te.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Daniɛl 8:23

O masale ndalen mɛɛlulan, telen vanaa lahakia kuinin taw-taw-vo, masa celen sulnin, ó nɔnin yongaa a kɔlvesɛiyo le vannda palaa-o.

Esai 45:15

Éé Hala, lekɛ́ndɛi Hala vianunnun-ndo n co ni. Hala Israɛlla a vana ciindiaa n co ni!

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Dɛnnda cɔɔmuanndan 14:16

O kon mí vana va icali o yumbuyumboo coo-o baa vɔlɔtɔ ndɔɔ o lɛŋnden, mó koaw lɛŋnden.

Efɛsea 1:10

Tuu kon yɛ, o Hala siownin kon peelu o telenndan mɛɛlulan-ndo, ndu co le ɲɛm co o halataala-on a mun o lɛŋnden coo mɔɔsiaa masaa ndu pilɛ kpé o labɛngunin ni, Krista pɛɛn.

Marke 1:15

mó va dimio aa: «Telenndo tiiya, masale Hala len le sɔɔnguu. La mal yɔŋ vɔɔndo, mì la mangalan, mì la laalan Yoongu Kɛndɔɔ!»

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.