Tite 1:15 - BII BILA

¹⁵ Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Tite 1:15 Referans Kwoze

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Rɔmnda 14:20

Tɛɛmbuu baala Hala-o le ɲɛdiaa le. O toɲaa nin, ɲɛ-ɲɛ fee co o diandaa. Kɛ dɛnɛ vɔɔndo o co le vanacieo ɲɛdiaa pum dioo, mò siŋnun pow boŋaa le vana celen ni.

1Korɛntea 10:23

La co dimio aa: «Dɛnndan kpow la bɛnda le tosaa.» I co toɲa, kɛ o co dɛnndan kpow le la naŋ te. «Dɛnndan kpow la bɛnda le tosaa», kɛ o co dɛnndan kpow le la hivi vana laci o laalanndo nin te.

Matie 15:18

Kɛ o kɔllo nin ɲɛ fula o sondo-o can ni, nduyɛ, ndu nɔɔliaa vanacieo ni.

Rɔmnda 14:23

Kɛ vana sika pɛ le ɲɛ o co dioo-o, ndu sɔla yaalaa, kani dɛnnda o tosa lan la fula o laalan nin te. Nduyɛ dɛnɛ oo dɛnɛ vana tosa a laalanndo le, ndu co hakio ni.

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Dɛnnda kiilaa 10:15

Mí diom kon dimul ndu vɛlɛ o diinndɔɔ aa: «Ca ɲɛ Hala cii dindi-o o nɔɔlɛi le.»

1Korɛntea 8:7

Kɛ o co nda kpow le a sínà toɲa kon te. A pum a hiw dɛlio a piɔmnda. Háá sunsun, a co vɔ visin nda co piɔmnda sálàlan solullo-on dioo, vana ca ko bɛɛ aa le piɔmnda nda co ni. A nɔ mayoomu o yiyannda ndalan nin te, lelan nda nɔɔlian o dɛnnda lan nin ni.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

1Korɛntea 10:25

La dio ɲɛm nda co pisio o lɔ́ɔ́ nin-ndon kpow, kɔlta niaalan la sanga a ɲunaa le,

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.

Aasee 2:13

Mí Hasee ɲuna nda vɛlɛ aa: «Te vanndo siŋnun pɛ vana nɔɔlɛiyo le vanaciee vílɛ́i o pilan-ndo, mò kɔ pilan ɲɛdiaa pum, vɛ̀ɛ̀ ɲɛdiaa kon siŋnun pá ɲɛ nɔɔlɛiyo lelan?» Mí vanaa-solia-lasálàá muli aa: «Oi, mò siŋnun o nɔɔlɛiyo.»

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.