Tite 1:12 - BII BILA

¹² Vana-tɛɛngaa-diom Hala-o pum dimi ni, Keretiinɔɔ pɛɛn aa: «Vanaa lacòòvaa Krɛtia co lɔ́ɔ́-lɔ́ɔ̀ ni, maa visia biyaa nda co ni, vanaa siɛlɛyaa yeema dioo tuŋ-nda.»

Tite 1:12 Referans Kwoze

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Dɛnnda kiilaa 17:28

Kani: ‹O ndu nin naa nɔ yoomoo, kpaaya biiŋuanndo a co naa n co-o ni.› Maa mɛɛ vanaa sɛvaa niaa pum a dimi yɛ aa: ‹Cuavaa ndɔa naa bɛɛ n co ni.›

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.

Dɛnnda kiilaa 2:11

Krɛte a Arabii, má hun nanu. Yuifia a pum co ni, a pum yɛ, má luɛi o kaannde Yuifia. Kɛ nduyɛ, n co ɲɛ nda co dimio-o tueyɔɔ o sɔɔn naan mangalan yɛ́-yɛ́-on nin, o nda co dimio a dɛnnda kaamaala Hala tosa lan o kɔɔ-o pɛɛn!»

Dɛnnda kiilaa 27:7

Palɛi bɔɔ-bɔɔ n va kɔlan o mɛnndan coo o pɔm-pɔmbɔ. Lɔ́ɔ́ naa n kɔ tiiya o kobio Knide-o, mí n sanga taw, kani hoeiye cɛl naa le tiiyaa o kɔngɔɔ le. Mí n demul Krɛte a kpengii kɔngɔɔ Salmonee.

Dɛnnda kiilaa 27:12

Handɔɔ o kon coo, nɛɛ simiaa dɛ̀ndɛ̀a kan ve fonda kɛndɛ le sialten hiovio lon te. Le hee, mí vanaa bɔɔ-bɔɔ va o dɛ̀ndɔ̀ɔ́ nin-nda yiyan le faŋanndo o fonda kon. O yiyan ndaa nin, ndáà yeema mì ndáà tiiya Fenikse, nɛɛ simiaa ladɛ̀ndɛ̀a o lɛŋnde Krɛte len nin pɛɛn, o co ba too a á ba paalen le del-lo tɛɛn-ndo. Lon ndáà yeema le sialten hivio ni.

Dɛnnda kiilaa 27:13

Hoeiye kandɔɔ hɔŋndo ɲɛ-pɔmbɔ fulaa a ba too, má yiyan maa tuu ndaa naŋ. Má timbi dɛ̀ndɔ̀ɔ́, má can Krɛte demullo.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Tite 1:5

I mɛi nɔm Krɛte haliko ma bɛɛndiaa dɛnnda co le bɛɛndiaa lon-ndan. O kobi oo kobi nin, mà hɛli simlacia vanaa laalannda tɛɛn mɛɛ ya sila nɔm yɛ.