Talelan 9:8 - BII BILA

⁸ Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Talelan 9:8 Referans Kwoze

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

Talelan 13:18

Vana kɛɛ pɛ le silaa tueyɔɔ, ndu siŋnun vana bala fondoo, o nɛinun vannda. Kɛ vana cɛl pɛ ma dimul ndu sɔvun ndɔn, o sɔla bɛɛlen.

Talelan 23:9

Soaa o diɔm sondo vesɛiyo lo le, kani o lueinin sɔɔn nɔmun kɔlkalon yii le.

Talelan 15:12

Vana yongaa cɛl mì vana kanalan ndu le, lelan o holnun vanaa kɔlkalua le.

Matie 7:6

La ke tunnda ɲɛm diandan te, yɔŋii nda mulin ma kisikisi niaa. La vuulu pewva ɲɛm niaan báà kalan te, yɔŋii nda nɛw mun.»

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Talelan 28:23

Vana cɔm pɛ vanndo sɔvun ndɔn, o mɛɛlu nɔm yii luɛyɔɔ hiovɔɔ vana sangala ndu-o coo.

Tɔŋ lasálàá 19:17

La nɔ́ nɛyɔn puapilɛa niaa o lakɔl te. Kɛ te a tosa pɛ sɔɛi vɔɔnde, la veelu nda mì la soo nda, yɔŋii niaa cua hakio le sɔɛi niaa kɛɛ nda-e.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

1Masaa 1:23

Má kɔ dimul masaa aa: «Natan vana-tɛɛngaa-diom Hala-o hin.» O kon, mí Natan luɛi, mó tiiya o masaa lo. Mó baŋ vulan masaa o labɛngunin, mó tundu hɔlla lɛŋ.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Masaa 1:32

O kon kɔɔli, mí masaa David dimi aa: «La veelul-lɔ ya Sadɔk vana-solia-lasálàá, Natan vana-tɛɛngaa-diom Hala-o a Benaya po Yehoyada-o.» Mí vanaa kan hun masaa o hɔl.

Talelan 10:8

Vana kendu kɔllo-o cɛl tɔŋndan ni, kɛ vana soaa mɛ̀ɛ́-mɛ̀ɛ́ ka-o, laasianndo co ndu levil te.

Talelan 13:1

Po kɔlkaloo yaŋ nilan o silala fuɲa ndɔ lan ni, kɛ po yongaa cɛl mì vana dimul ndu sɔvun ndɔn te.

Talelan 19:25

Soŋ vana yongaa, o kon mì vana bii dɛnɛ bila loo sɔla taasio. Kanalan vana kendu kɔl-lo, o kon mò bii ɲɛ n co ndu cɔm-ndo bila.

Esai 36:21

Kɛ mí Eliakim, Sɛbna a Yoahe mei kpili, hali bako bɛɛ a mulul ndu le. Kani nuaa masaa Esekia ndóò dimul nda ni aa: La mulul ndu le.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.