Talelan 8:9 - BII BILA

⁹ Sɔɔn nun co sakpo le vana kendu kɔl-lo, sɔɔn toɲan n co le vana sinaa dɛnɔɔ ni.

Talelan 8:9 Referans Kwoze

Talelan 14:6

Vana yongaa kindin bɛɛ le kɔlkaloo sɔlaa, o tiwba le. Kɛ vana taasio ndu nɛi dɛnɛ sina le.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Nsaŋ 6:45

O co o sɛvaa o sɛbɛla vanaa-tɛɛngaa-diom Hala-a nin aa: ‹Nda kpow a sɔlanin pɛɛkoo fulaa Hala o ba.› Vana-vana tuei pɛ Pua diom, mò cɛl pɛɛku ndɔɔ, ndu hin o ya lo.

Talelan 15:24

Nɛi yoomoo co-o heelu vana taasion coo ni, haliko mo kpakpala nɛi tol ciee-piɔ́m-ndo, o co lebɛngu-o.

Misee 2:7

Mò va maa dangaa co cuavaa Israɛlla coo ni? Vɛ̀ɛ̀ Mɛlɛka sanga a biuvɔnndo ni? Vɛ̀ɛ̀ lende o dema tosa ni? Ya yɛ, vɛ̀ɛ̀ i dímì sɔɔn kɛndɛ a vana co kela sandaa-o le?

Esai 35:8

A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Talelan 17:24

Kɔlkaloo co vana taasio ikɛi kpɛɛlun, kɛ diɔm sondo vesɛiyo ndu, lɛŋnde-mɛɛlu pɔ́ o yaa hɔlten ni.

Talelan 15:14

Kɔl taasio nuwviaa sinapɛngoo ni, kɛ sondo diɔmndo ndu, diɔmnde o dia ni.

Talelan 3:13

Dɛnɛ kɛndɔɔ co le vana saalun kɔlkaloo-o, le vana sɔla dɛnɛ sinaa-o.