Talelan 8:13 - BII BILA

¹³ Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Talelan 8:13 Referans Kwoze

Talelan 16:6

Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

Condii lisai 97:10

Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

1Samiɛl 2:3

La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

Talelan 4:24

Cɛ̀l mì sondo nɔmndo dimi còòlan te, và sɔɔn vɔɔnndon solinndo o sondo le.

1Tesalonikea 5:22

La mandán le dɛnnda vɔɔnndan kpow.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Condii lisai 119:128

I laalan maa silala nɔmndan kpow la sandu, nɛi oo nɛi co pɛ nɛi lakafaa, o hɛnan ya le.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Talelan 6:12

Vana fondoo vana sendu loo co ni. A còòlan o sondo o kelaa ni.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

Condii lisai 138:6

Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

Condii lisai 101:3

I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Talelan 10:31

Sɔɔn kɔlkalon fula vana sandaa o sondo ni. Kɛ vana lacòòvaa nda, diɛɛmulen nda bɛnda le nda kiolɔɔ ni.

Condii lisai 119:104

Tanala nɔmndan la co ya kɔlkaloo yɔngoo, lelan nɛila vɔɔnndan kpow la nɛinun ya ni.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Talelan 15:9

Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.

Esai 13:11

A toɲa, ya Mɛlɛka, I kpoosanin ceendo le kɔlvesɛi ndɔɔ. I fukpanin vanaa kɔlvesɛiya le yɔŋ vɔɔn ndaa. I ciinin yonga vanaa heelannda. I ɲuminin kuundian masaa kɔlvesɛiya.

Fulaa 1:17

Kɛ le mɛɛ sokoa-vialaa kan ndáà nɔ siòòŋii Hala-e yɛ, a ve tosa mɛɛ masaa Esipte ndóò dimul nda yɛ le, a ve cɛlɛkpɛa piaandua diyɔɔ le.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

Talelan 16:5

Vanaa yongaa nɛinun Mɛlɛka. O nɛi oo nɛi coo a kɛɛnin sangaa sɔla le kela ndaa le.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.