Talelan 8:12 - BII BILA

¹² «Ya Kɔlkaloo, naa taasio n co latulu ni, a dɛnɛ sinaa ya tosa dɛnndan ni.

Talelan 8:12 Referans Kwoze

Esai 28:26

Hala ndɔɔ pɛɛku ndu nɛi o bɛnda le kɔlan coo-o, o yɔngu ndu silalan le kelaa lecoo.

Fulaa 35:30

Mí Moise dimul Israɛlla aa: «La tofa vɔ, Mɛlɛka hɛli Bɛtsalɛl po Uri-o, po imama Hur-o, fulaa o polale Yuda len nin,

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Talelan 1:4

La naŋ le vanaa nɔ taasi le-a taasio yɔngoo, le poombɔ felengoo dɛnɛ sinaa a yiyan sɔvɛɔ yɔngoo.

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

1Dɛnnda lemasalan 28:19

Mí David dimi aa: «Kon kpow co o sɛvaa o sɔɔn Mɛlɛka pila dimul-la-on nin, o tɛɛsial-la kpow mɛɛ vana kei ma tosa tuula lan yɛ.»

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Efɛsea 1:8

kɛndɛi bɛndui o tosal naa taw, mó sɛŋi naa kɔlkalu ndɔɔ a dɛnɛ sinaa ndɔɔ coo-e pɛɛn.

2Dɛnnda lemasalan 13:14

Telen Yudaa mulin-ndo, má ca maa yaamɔɔa balu nda kundalan latiɔn: yaamɔɔa pum va nda laci, a pum va vɛlɛ nda a makɔɔ. O kon má solul Mɛlɛka diomndan le nda malaa, mí vanaa-solia-lasálàá hɔŋ bululan.

1Masaa 7:14

Hiram kon po vanalanɔɔ pum o va ni, o polale Nɛftali len nin cua kon ndóò fula ni. Fuɲa ndɔ yɛ Tirnɔɔ o va ni, kɛ fuɲa kon ve lɛ yoomu le. Vana toosiaa n'daɲaa Hiram va ni, ndóò nɔ kɔlkaloo a dɛnɛ sinaa taw. Ndóò nɔ vɛlɛ sinapɛngoo le ɲɛ-ɲɛ ka caa toosiaa a daɲan. Mó hun veelu masaa Salomɔn-ndo, mó tosa baalala Salomɔn-ndan kpow.

1Dɛnnda lemasalan 28:12

Mó yɔngu ndu tuula Kɔl-Hala-o ndóò tuu le tangullo lan kpow, le bɛ́ɛ̀la Cɛi-Hala-o a le cɛila pɔmbɔláà balu ndu lan kpow, cɛilan le bolofaa Cɛi-Hala-o mandaa lenin a cɛilan le ɲɛm diandan Hala-on mandaa lenin.

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.