Talelan 8:10 - BII BILA

¹⁰ La cɛl silala nilan, lan la co fisa a volion ni. Dɛnɛ sinaa hiow va ɲɛ sɔvɛ a sianin diandan.

Talelan 8:10 Referans Kwoze

Condii lisai 119:127

Kani tɔŋnda nɔmndan la hiow ya hɛnan a sianion, hiovɔɔ sianin diandaa diandan coo.

Condii lisai 119:72

Tɔŋ fula nɔm o sondo-o hiow ɲamaa le ya a ɲɛm cɔwnun a sianion a á volion taw-von.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Vana Kɔlkaloo 7:11

Kɔlkaloo co macoaa maa kɛ́ɔ. Kani ndu, vana-vana co paalen cɔu nɔla mò de ndu tɔnɔ.

Talelan 10:20

Diɛɛmule vana sandaa le co ko maa volin hiow diondɔɔ-on. Kɛ yiyan vana kɔlvesɛiyo ndu co ɲɛ-ɲɛ le.

Dɛnnda kiilaa 3:6

Mí Piɛr dimul ndu aa: «I nɔ ivoli le, i nɔ vɛlɛ isiani le, kɛ o ya nɔ-o ya co nɔm yɔngu ni: o diola Yeesu Krista fula Nasarɛt-o lan, cɔn mà kɔɛ!»

Talelan 16:16

Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.

Condii lisai 119:162

Ɲaaloo co ya o kɔl le sɔɛi nɔmnde maa vana poonda ɲɔɔn taw o cɔwvo-o.

2Korɛntea 6:10

A co naa kɔltan tɛɛmbuuo, kɛ nduyɛ n co a ɲaaloo lɔ́ɔ́-lɔ́ɔ̀. N co maa vanaa kɔɛi bɛndu, kɛ nduyɛ n co vannda tɔnɔɔ looloo, n co maa vanaa lepɛŋ, kɛ nduyɛ, ɲɔɔn kpow n co naa o ba.

Talelan 8:19

Tɔnɔ nuu hiow va ɲɛ sɔvɛ a tɔnɔ sianin diandan, ɲɛ ya luei-yo hiow ɲɛ volin diandan luei-yo polon.

SƐBƐ YƆB-O 28:15

Vana sɔla ndu a sianin diandaa válán-ndon te, vana pindu ndu a n'voli le, mɛ̀ɛ́-mɛ̀ɛ́ n va bɛɛ.

SƐBƐ YƆB-O 28:17

Vana tuu kɔlkaloo a sianion, te kon te a tofanndo le, vana singa ndu hali a sianin sɔvɛ-sɔvɛɔn te, n va bɛɛ kpángàá ca.

Talelan 20:15

Sianion a yɔɔvala sɔvɛlan la co taw-taw, kɛ ɲɛ hiow vaa o sɔvɛ-o co sɔɔn pɛɛku vana-on ni.