Talelan 7:7 - BII BILA

⁷ mí ca poombɔ piaandu nɔ mahul too pum o vanaa nɔ taasi le-a tɛɛn, mí dɔaw ndu taasi poambɔa piaandua tɛɛn.

Talelan 7:7 Referans Kwoze

Talelan 6:32

Kɛ vana-vana tɛm pɛ a vanalanɔ co laa ndɔ loo, vana bolle hiŋnanndo vana kon co ni. Kani vana yeema le ndu pila tɛɛmbɔnndo-o tosa lende ni.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Matie 15:16

Mí Yeesu dimi aa: «Mò va maa niaa bɛɛ la kindu lakɔl te?

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Talelan 10:13

Dɛnɛ sinaa co vana kɔlkaloo o sondo. Kɛ vana pe lebol too ndu, sionnden le faŋan ndu o kɔɔ le.

Talelan 9:16

«Niaa diɔmnda ha sei! La kei-yɔ nanu.» Mò dimul vanaa pe lebol te-a aa:

Talelan 9:4

«Niaa vanaa bii dɛnɛ bila le-a, la hun kpengei he nanu.» Mó dimul vanaa pe lebol te-a aa:

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Talelan 1:4

La naŋ le vanaa nɔ taasi le-a taasio yɔngoo, le poombɔ felengoo dɛnɛ sinaa a yiyan sɔvɛɔ yɔngoo.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

Talelan 27:12

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Talelan 24:30

Paale pilɛ, mí kei o ciɛi vana siɛlɛiyo ikɛi, o nakɔ vana pe lebol too ikɛi.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Talelan 19:25

Soŋ vana yongaa, o kon mì vana bii dɛnɛ bila loo sɔla taasio. Kanalan vana kendu kɔl-lo, o kon mò bii ɲɛ n co ndu cɔm-ndo bila.

Talelan 19:2

Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Talelan 14:18

Vanaa bii dɛnɛ bila le-a, diɔmnde co kɛ́ ndaa ni. Kɛ sinapɛngoo co mɔsil lemasaa le vanaa kɔlkalua ni.

Talelan 14:15

Vana bii dɛnɛ bila loo laalan a sɔɔn nda dimul ndu-on kpow, kɛ vana taasio ndu, o mɛɛndian fɔlɔn malan o kɛsi pelei.

Talelan 12:11

Vana váá pɛ ciɛi ndɔɛi, ndu sɔla baloo taw. Kɛ vana del pɛ sɔɔn fondon kɔɔli, mɛɛ ndu pe lebol te.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

SƐBƐ YƆB-O 24:15

Vana suundɛiyo bɛɛ, ɲumndan koni o cal cumullo ni, o cɛn pɛ kɔlan, o dimi aa: ‹Vana cinin ya le.› O kon, o kuumbun kola vaan-vaando o hɔl.

Talelan 5:1

«Po nuu sei! Yaŋ nilan ɲɛkɛndɛi o kɔlkalu nuu. Yaŋnun mà tuei sɔɔn dɛnɛ sinaan nun válán,

Talelan 6:20

Po nuu sei! Mandan tɔŋ fuɲa nɔmndo o kɔl, kɛɛ sila kala nɔmndo le.