Talelan 7:13 - BII BILA

¹³ Mɛɛ o demul poombɔ piaandu kon, mó kɔman ndu, mó kafalan ndu, mó dimi a yongaa aa:

Talelan 7:13 Referans Kwoze

O Kandɔɔ 39:12

Mí lanɔɔ Potifar kon bii dɔ́ɔ́ Yosɛf domaa, mó dimul ndu aa: «Vá a ya!» Kɛ mí Yosɛf hulu domaa, mó mɛi ndu ndu o ba, mó ɲaanun, mo fulan o bɛ́ɛ̀.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Esekiɛl 16:33

Kani vanlaandua co suunda leyulaa-a kpede, sala ndaa vana yɔngu nda ni. Kɛ nɔm, nɔm pila yɔngu sámáá nɔmnda kpede ɲɔɔn ni, má piandu nda a ɲɛm nɔmndon, haliko ma fula nɛɛ-nɛɛ ka, mà hin o nɔm ndo le suundaa a nɔm.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Esekiɛl 2:4

Cuavaa kan nɔ hɔlta veseilan a kɔlvesɛiyo taw. O nda lo ya co nɔm vomɔɔ ni, mà kɔ soo o nda lo, mà dimul nda aa: ‹Lende Maalii Hala dimi ni!›

Esai 50:7

Kɛ Maalii Hala co ya malaa, lelan i tembu labɛɛ le, le kɔlɔ kon ya veesiaa hɔlaa niaa ni, kani i sina maa siɛmbula biinin ya mì cuu labɛɛ le.

Talelan 21:29

Yiiyo vana kɔlvesɛiyo yii hɔlla ni. Kɛ vana sandaa ndu laalan kela ndɔɔ.

Kundalan 31:16

La loonun maa nda Balaam yɔngu silala vɔɔnndan ni ma tosa mí Israɛlla del kasi a Mɛlɛka o dɛnɛ Peɔr-o nin. Nduyɛ kon tosa ni mí nàà halimaa toal kunda Mɛlɛka-o coo.

Kundalan 25:1

Telen Israɛlla va Sitim-ndo, mí vanpiaandua kandu laasianndo o suundaa nin a vanlaandua Moab.

O Kandɔɔ 39:7

Mí lanɔɔ vana ndɔ bɛndoo fula ndu lehɔl, mó dimul ndu aa: «Hun ma vá a ya.»

Condii lisai 59:3

Baŋa ya vanaa yɔŋ vɔɔnda o ba, ma ciindiaa ya vanaa diuvaa n'vannda o ba.

Talelan 9:15

Lon ò lo ni mò veelu vanaa co hiovɔɔ má va kɔnndan sanaa-a aa: