Talelan 6:16 - BII BILA

¹⁶ Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

Talelan 6:16 Referans Kwoze

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Talelan 11:20

Vanaa kɔlkalu vɔɔnda nɛinun bɔɔ Mɛlɛka, kɛ o hinì kɔl a vanaa sandu o kela ndaa nin-nda.

Talelan 3:32

Kani vana kɔlvesɛiyo nɛinun bɔɔ Mɛlɛka, kɛ ò cɔ̀m vanaa sandaa kɔl ndɔɔ.

Tɔŋ miingua 25:16

Kani Mɛlɛka Hala niaa yeema vanaa tosa delɔɔcoo vaa lende-a le few.»

Talelan 17:15

Vana ke vana kɔlvesɛiyo dí-o nda vana yaala vana tɛɛmbuu isɔɔ loo-o, nda ŋiɔn kpow a nɛinun bɔɔ Mɛlɛka.

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Amɔs 2:1

Nuaa Mɛlɛka soo ni aa: «Le yɔŋnda vɔɔnnda yàála vannda Moab a tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a lom paala masa Edɔmnda kpúlúká, mí la siŋnun pultan.

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.

Amɔs 1:6

Nuaa Mɛlɛka soo ni aa: «Le yɔŋnda vɔɔnnda yàála vannda Kaasa tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda sɛ́lɛ́ bɛndoo taw-taw le nda vɔngullo Edɔmnda o ba.

Amɔs 1:3

Nuaa Mɛlɛka soo ni aa: «Le yɔŋnda vɔɔnnda yàála vannda Damas tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pimbulu vannda Kalaad o ciliŋun siɛɛmbian coo, má pesipesi nda.

Talelan 30:21

Dɛnndan tan yáá la co ceendo hɔlla hiŋndo ni, ɲɛlan tan hiɔɔlu la co ndu palaa ni:

Talelan 20:23

Panila nda bɔɔfiaa lan la nɛinun bɔɔ Mɛlɛka. O hinì kɔl a ɲɛla tuvaala n'ɲɛla lakafalan te.

Tɔŋ miingua 24:4

pɔnɔ tase kɛɛ ndu kon-ndo bɛnda lɛ mo mingin ndu o ba mò siŋnun vɛlɛ laa ndɔ le. Kani vanalanɔ kon cuu siŋnɔn vana nɔɔlɛiyo le ndu vanapɔnɔ kon. Te o mingin vɛlɛ pɛ lanɔ kon o ba, mɛɛ yɔŋ vɔɔn bɛndoo o tosa kon Mɛlɛka o hɔl ni. Le hee, la lúeì lɛŋnde Mɛlɛka Hala niaa yɔngu niaa kɛ́ɔ len o hakio nin te.»

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

Amɔs 2:6

Nuaa Mɛlɛka soo ni aa: «Le yɔŋnda vɔɔnnda yàála Israɛlla tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a co vanaa sandaa pisio le volion, ma va vanaa bala fondoa pisio o samtalan bɛngu.

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Talelan 30:29

Visia co nda yáá, a caa kɔlan a kɛɛsɔnndo-a. À co bɛɛ a hiɔɔlu:

Talelan 20:10

Panila bɔɔfiɛilan a ɲɛla tuvaa n'ɲɛla lakafalan la nɛinun bɔɔ Mɛlɛka.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Talelan 30:24

Ɲa yoomaa pɔmbɔ-pɔmbɔa pum co súúlan tan hiɔɔlu o ceendo coo, kɛ kɔlkaloo pila nda nɔ ni:

Talelan 30:18

Ɲɛlan la co tan yáá, la ya bumba bila biyɔɔ lan, o hiɔɔlundɔɔ co vɛlɛ, o ya sina loo:

Talelan 6:15

Lelan dɛnɛ palaa co ndu tolɔɔ coo cɔ́-cɔ́ ni. O yomiyominin, o sɔlanin cɛw le.

Talelan 6:17

Lan la co lan ni: Tofa yongaa, sondo dimia lacòòvaa, bala diw vanaa tɛɛmbuu isɔɔ le-a lan,

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

Condii lisai 5:7

Tɛɛmbuuo n tɛɛmbuu vanaa dimia lacòòvaa ni. Vanaa diuvaa n'vannda a vana nɔ kɔlkalu vɔɔndo-o nɛinun nɔm bɔɔ!

Talelan 12:22

Vanaa lacòòvaa nɛinun bɔɔ Mɛlɛka. Vanaa toɲaa hɛnan ndu ni.

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.