Talelan 6:12 - BII BILA

¹² Vana fondoo vana sendu loo co ni. A còòlan o sondo o kelaa ni.

Talelan 6:12 Referans Kwoze

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Talelan 16:27

Vana fondoo tuu sɔɔn vɔɔnndon ni, sɔɔn fula ndu o sondo-on co maa yinnde biyaa.

Talelan 4:24

Cɛ̀l mì sondo nɔmndo dimi còòlan te, và sɔɔn vɔɔnndon solinndo o sondo le.

1Timote 5:13

Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Talelan 17:4

Vana dɛnɛ vɔɔndo yaŋ nilan o sɔɔn vɔɔnndon ni. Vana lacòòvaa yaŋ nilan o sɔɔn muuluanndon ni.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Condii lisai 59:7

Icɔl, a muungu a pɛɛliaa a yolɛi maa n'tun, à cɛn à balu cieo sɔ́.

Nsaki 3:6

Nduyɛ, diɛɛmulen bɛɛ yinnden le co ni. Ceen dɛnɛ sandaa lepɛŋndo le co o dialun naan nin ni. Le co diallon kpow nɔɔliaa mì le va vanacieeyɛi nɛi kpow lomɔɔ. O Ɲánndávàà yinnde ndɔle len le fula ni.

Talelan 11:6

Dɛnɛ sandaa vanaa sandaa tosa-o kándà yoomula ndalan ni. Kɛ yeemɛi ndɛi nda pila-e bii vanaa lakafaa o yaŋɔɔlen ni.

Talelan 6:14

Laasianndo co ndu o piaa o kɔl. Telen oo telen o co dɛnɛ vɔɔndo tuunɔnndo o kɔl, o co sɔngɔlan keiyo malɔɔ tuŋ.

Talelan 2:12

mò faŋa nɔm o nɛi dɛnɛ vɔɔndo coo. O kandanin nɔm ma kpakpala sɔɔn vɔɔŋun

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

Condii lisai 10:7

Sondo ndɔɔ co o piaa cá a mɛɛniaalan, a sɔɔn lacòòvan a á sɔɔn kɔlvesɛiyon. Dɛnɛ palaa a tuula vɔɔnndan koni la co ndu o sondo ni.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Yeremi 24:2

Voosun va o kambɛi tasoo nin-ndon va n kɛndɛ-kɛndɛ maa voosun tasen keleŋa divɔɔ-on. Voosun va o kambɛi diinndɔɔ nin-ndon mun niŋ te, vanáà nɔla mun dio le, kani tambei pila mun óò tambu ni.

1Samiɛl 17:28

Kɛ Eliab bɛ ndɔ tueyɔɔ David suukanndo nda vanaa cɔwva, mó tambu kɔl a ndu, mó ɲuna ndu aa: «Yɛɛ nɛ n hin yɛ tosa nanu? Nɛ̀ɛ́-nɛ̀ n mel-lɛ saa a cuinnda yondoo nin? I sina kuundian nɔmndo a cɔmnɔn co nɔm o kɔl-lo válán. Le cɔu mɛɛ cɔwvo co tosanndo yɛ n hun tiiya nanu nuaa dí ni.»

Talelan 10:32

Sɔɔn sɔvɛɔn fula vana sandaa o sondo ni, kɛ sɔɔn vɔɔnndon daama n fula vana kɔlvesɛiyo o sondo ni.

Condii lisai 101:3

I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Talelan 3:32

Kani vana kɔlvesɛiyo nɛinun bɔɔ Mɛlɛka, kɛ ò cɔ̀m vanaa sandaa kɔl ndɔɔ.

Talelan 16:30

Vanndo kinda pɛ hɔltan mò yii cɔcɔn le dɛnɛ vɔɔndo tuuvo, mɛɛ o cii nin ndu tosa.