Talelan 4:4 - BII BILA

⁴ Fuɲa nuu va ya pɛɛkoo a ya dimullo aa: ‹Mandan sɔɔn nun o kɔl kpáŋ. Bii tɔŋnda nilan, o kon ma va yoomu.

Talelan 4:4 Referans Kwoze

Talelan 3:1

«Po nuu sei! Pɔɛɛnun pɛɛkula nilan te, mandan tɔŋnda nilan nɔm o kɔl,

Nsaŋ 12:50

Nduyɛ i sina maa sɔɔn ndɔn co cinda fɛɛn-fɛɛndo ni. Lelan sɔɔn ya co dimio-on, mɛɛ Pua vem ya mun dimio yɛ ya co mun dimio ni.»

Talelan 7:2

Manda tɔŋnda nilan haliko ma viow yoomu. Manda pɛɛkula nilan mɛɛ n co hɔlta kúlta nɔmndan mandaa yɛ.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Efɛsea 6:4

Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

Tɔŋ miingua 6:6

Tɔŋnda ya co niaa hau tɛɛngullo lan la bɛnda mì la lo lasɛvaa niaa o lakɔl.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

Talelan 22:6

Pɛɛku cuaambɔɔ nɛi o bɛnda mò kela coo-o, o kon hali o hun yuuva bɛɛ, o fáŋàn lecoo le.

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Condii lisai 119:168

I co tɔŋnda nɔmndan a silala nɔmndan biyɔɔ, kani a sinà nɛila ya co kelaa coo lan kpow.

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Masaa kialaa n'yamaa 13:12

Mí Manoa dimul ndu vɛlɛ aa: «Lɔ́ɔ́ sɔɔn nɔmndon peelunnin-ndo, ɔ́ɔ̀ nɛila naa n bɛnda mì n kela coo le po kalaa mandaa lan? Yɛɛ nɛ naa n bɛnda yɛ mi n hun tosa le ndu?»

Condii lisai 119:144

Tanala nɔmndan la lonin le fɛɛn a fɛɛn, ke ya sinapɛngoo mì viow yoomu.

Talelan 3:2

kani lan la cɔɔlunin palɛi nɔmnde bɛndi ni, lan la cɔɔlunin vɔsila nɔmndan a kɔlɲulu nɔmndo ni.

Yeremi 38:20

Mí Yeremi muli aa: «A melnin nɔm nda o ba le. Tuei-yɔ diom Mɛlɛka dimi-o aa ɲɛ-ɲɛ vɔɔn yɔŋnunin nɔm te, a lonin yoomu.