Talelan 4:24 - BII BILA

²⁴ Cɛ̀l mì sondo nɔmndo dimi còòlan te, và sɔɔn vɔɔnndon solinndo o sondo le.

Talelan 4:24 Referans Kwoze

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

Talelan 8:8

Sɔɔn nun kpede n'sandaa n co ni, i hui vana le, i dimi lacòò le.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Talelan 6:12

Vana fondoo vana sendu loo co ni. A còòlan o sondo o kelaa ni.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

Talelan 17:20

Vana dindu kɔl too sɔla dɛnɛ kɛndɔɔ le. Vana dimi pɛ diomnda vɔɔnndan a caanda, ndu del o dɛnɛ palaa nin.

SƐBƐ YƆB-O 11:14

Te bala nɔmndan la co pɛ lanɔɔlɛilan a dɛnɛ vɔɔndo, mɛɛ pulu lan ma kpakpala dɛnɛ vɔɔn kon, cɛ̀l mì dɛnɛ sandaa lepɛŋndo cal o nɔm ndo cɛinin lɔ́ɔ́-lɔ́ɔ̀ le.

Talelan 4:25

Tofa vannda hɔlla ciŋ, mà tofan laci sanaa.

Talelan 10:32

Sɔɔn sɔvɛɔn fula vana sandaa o sondo ni, kɛ sɔɔn vɔɔnndon daama n fula vana kɔlvesɛiyo o sondo ni.

Talelan 19:1

Vana bala fondo co kelaa o dɛnɛ sandaa nin-ndo co fisa a diɔm sondo vesɛi dimi còòlan-ndo.

Condii lisai 34:14

mɛɛ o manda diɛɛmule ndɔlen a sɔɔn vɔɔnndon, mò manda cɔcɔn ndɔn a sɔɔn lacòòvan.