Talelan 4:23 - BII BILA

²³ Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Talelan 4:23 Referans Kwoze

Luke 6:45

Sɔɔn kɛndɛn co vanaciee kɛndɔɔ o kɔl-lon, mun o soli ceen ni. Sɔɔn vɔɔŋun co vana vɔɔndo o kɔl-lon, mun koni ndu bɛɛ soli ceen ni. Kani ɲɛ pia vana o kɔl-lo, ndu sondoo dimi ni.»

Talelan 13:3

Vana mandan a sondo ndɔɔ-o, ndu ciindiaa yoomu ndɔɔ ni. Kɛ vana dimi sɔɔn mɛ̀ɛ́-mɛ̀ɛ́ ka-o, ndu tɛɛmbun ni.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Talelan 23:19

Nɔm po nuu sei! Yaŋ ya nilan ma kendu kɔl, mì kela nɔmndo va sakpo.

Talelan 28:26

Vana tiindan pɛ yiyannda ndɔla ndu pila lan, mɛɛ diɔm sondo vesɛiyo co kon ni. Kɛ vana kela pɛ a kɔlkaloo, o hɛli-hɛlin kpundɛla bɔɔ-bɔɔ.

Marke 14:38

La tiondu mì la piɛi Hala, yɔŋii niaa del o tɔɔndanndo nin. La nɔ̀ yiyanndo le tosaa lende, kɛ dialun vílɛ́iyon co niaa.»

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Talelan 4:7

Kandɔn kɔlkaloo co ho ni: kɔlkaloo sɔlaa, mà yɔngu ɲɛm nɔmndon kpow le dɛnɛ sinaa sɔlaa.

Talelan 3:21

Po nuu sei! Manda kɔlkaloo a dɛnɛ sinaa, fáŋà hɔlla lecoo mì la kɔɛ nɔm levil te.

Talelan 22:5

Yɔɔn a yaŋɔɔlan la co o nɛi vana kela tuunduɛiyo coo, vana kaolan pɛ ndu pila o kpakpala lan.

Talelan 11:16

Vanalanɔ naŋ hɔlla-o sɔla candɔɔ ni. Vanapɔnɔ kindianndo sɔla bolofaa ni.

Vana Kɔlkaloo 5:13

te kon te, mò tɛɛmbuu bolofaa ndɔɔ o sɔɛi fondoei pum nin, mì hɔ́ɔ́ o velu-o koma lonnun bala fondo.

Matie 15:18

Kɛ o kɔllo nin ɲɛ fula o sondo-o can ni, nduyɛ, ndu nɔɔliaa vanacieo ni.

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

Talelan 16:17

Vanaa sandaa kpakpala dɛnɛ vɔɔndo o kelaa nin ni. Vana dɔw pɛ kela ndɔ ndu pila-o taasi o kanda yoomu ndɔɔ.