Talelan 4:17 - BII BILA

¹⁷ Kani a ɲɛdiaa kɔlvesɛiyo nda dɔawnun balo ni, mɔima delɔɔcoo-an nda kol ni.

Talelan 4:17 Referans Kwoze

Misee 6:12

Vanaa bolofaa co o kobio ho nin-nda kafalan kposon nda cal coo ni. Còòlan tuŋ vanaa co icali lenin-nda co keiyo hɔŋndo ni, huiyo kínɛí nda co vannda a diɛɛmuei nda lasondo ni.

Condii lisai 14:4

Mɛlɛka dimi aa: «Vanaa co dɛnnda vɔɔnda lan tosaa-a kpow a nɔ sinapɛngu le, à co kan yungu nuu dioo mɛɛ vana dia baloo nuaa yɛ-a pɛɛn. À co ya Mɛlɛka piɛi le.»

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Talelan 20:17

O kandɔɔ, ɲɛdiaa levuiyo yeela taw. Kɛ o kon kɔɔli, o muungu nɔm o sondo maa lapow.

Talelan 9:17

«Mɔima levuiyan ma yeela, ɲɛdiaa vana dia o vionnɔnndo nin-ndo naŋ bɔɔ.»

Talelan 13:2

Vana tiwba mi vana de sɔɛi sondoi tɔnɔ, kɛ ɲɛ pimi vanaa tosaa dɛnnda vɔɔnda-o co yɔŋ vɔɔndo ni.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Esai 5:18

Dɛnɛ palaa co le vanaa co a yiyaa a hakio o còòlan dimio-a! A co yɔŋ vɔɔndo nanɔɔ a yoei maa yoei soa nan ɲɛla ɲaanannda ndalan-nde-a.

Esai 5:20

Dɛnɛ palaa co le vanaa co dɛnɛ vɔɔndo veeloo aa dɛnɛ kɛndɔɔ-a, má va dɛnɛ kɛndɔɔ veeloo aa dɛnɛ vɔɔndo, má mangala ɲumndan ɲɛ-tengaa, má mangala ɲɛ-tengaa ɲumndan, má mangala mɔnɛi ɲɛ yeelaa, má mangala ɲɛ yeelaa mɔnɛi!

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.