Talelan 4:16 - BII BILA

¹⁶ Kani nda nda, taa tosa dɛnɛ vɔɔndo le, a hínì ma lɔl te. Taa yɔl vanacieo le, kpenndaa nda kpennda lahɔl ni.

Talelan 4:16 Referans Kwoze

Condii lisai 36:4

Sɔɔn lacòòvan a sɔɔn huiyaa n'vanndon kínɛí n fula ndu o sondo ni. Dɛnɛ kɛndɔɔ tosaa solul lɛ ndu kpeku oo kpeku le.

Misee 2:1

«Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.

Esai 57:20

Kɛ vanaa kɔlvesɛiya nda nda, maa mɛmma ihɛlma co hiilɔnndo, mà nɔla simndan yili le-an nda co ni, maa mɛmma ihɛlma co yeelioo a loolio kaaliaa-an.

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

Talelan 1:16

Kani nda nda, dɛnɛ vɔɔndo tuŋ nda co keiyo tosaa a kiltan ni. Keleŋaa pila nda keleŋa le vanndacieea diwvo ni.

Luke 22:66

Paalen siɔu, mí simlacia lelɛŋnda, bolii vanaa-solia-lasálàá a vanaa pɛɛkaa latɔŋnda bɔɔŋian, má kɔa a Yeesu o vanaa kialaa n'yamaa lelɛŋnda lo,

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Talelan 4:15

Kpakpala nɛi ndaa, kei lecoo le. Faŋan lecoo, mà kɔɛnnun nɛɛ celen.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

Talelan 2:14

Vanaa kan nda co ɲaaloo dɔwnɔnndo o dɛnɛ vɔɔndo tosaa nin, à co a kɔlkɛndɔɔ o dɛnnda kɔlvesɛilan tosaa nin.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Dɛnnda kiilaa 24:7

kɛ mí Lisias, simlacinɔ simlacia vanaa cɔvaa kɛmɛa hun a kpaayaa, mó hialu naa ndu o ba,