Talelan 4:13 - BII BILA

¹³ Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.

Talelan 4:13 Referans Kwoze

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.

Talelan 3:18

Yɔm yɔngu cindaa-o kɔlkaloo co le vanaa holnun ndu-a ni, vanaa bii ndu kpíŋ-nda co o dɛnɛ kɛndɔɔ nin.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Tɔŋ miingua 32:47

Kani o co sɔɛi taanin te sɔɛi he co le niaa le, sɔɛi yoomu niaa i co ni. Te la bii ndi pɛ, la sɔlanin yoomu vilɛiyo o lɛŋnde niaa co Yurdɛn taŋɔɔ le len kɔlan hiɔlɔɔ len nin.»

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Condii kɛndɛ-kɛndɛi 3:4

Mɛɛ ya hiow nda dɔ́ɔ́ ɲɛ-pɔmbɔ, mí komal ndu. O kon, mí bii ndu, i mel lɛ ndu le, háá mí kɔa a ndu o kala nuu lo cɛinin, mí luei ndu o cɛi lɔlaa kala velu ya-o nin.

Vana Kɔlkaloo 7:12

Nduyɛ, mɛɛ volion manda vana yɛ, lende koni kɔlkaloo manda vana ni. Kɔlkaloo cɔɔlu yoomu vana nɔ ndu-a bɛndi.

Talelan 3:22

Lan la malanin nɔm ni ma vili ceen sɔvɛɔ a ceen yeelɛiyo.

O Kandɔɔ 32:26

Mɛɛ vana kon ce maa o ve le Yakɔb nɔla le, mó lɔaa ndu vongaa, mí paa lɔlu tum Yakɔb-o faŋan o boondei coo telen nda va cɔlɔbaa-o.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Talelan 8:35

Kani vana saalun ya pɛ ndu saalun yoomoo, o kon Mɛlɛka ce ndu ɲia.

Talelan 10:17

Vana bii pɛ silaa, ndu hiow laci o ceen ndɔɔ nin. Kɛ vana cɛl kanalanndo le, ndu laasian.