Talelan 4:10 - BII BILA

¹⁰ «Po nuu sei! Yaŋ-ndɔ nilan mà tuei sɔɔn nun. O kon a viawnin yoomu vɔsilan taw.

Talelan 4:10 Referans Kwoze

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Talelan 3:2

kani lan la cɔɔlunin palɛi nɔmnde bɛndi ni, lan la cɔɔlunin vɔsila nɔmndan a kɔlɲulu nɔmndo ni.

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Yeremi 9:20

«Kani piɔ́mndo hel o diola naala pɔmbɔlan, mó luɛi o cɛila naala sɔvɛlan nin. O co cuaambɔa biwvo o nɛilan coo, a felengia co o bɛ́ɛ̀lan-nda.»

Talelan 3:16

Yoomu vilɛiyo co kɔlkaloo o ba kɛndɔɔ nin, bolofaa a biiloo co ndu o ba mɛllo nin.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Talelan 8:10

La cɛl silala nilan, lan la co fisa a volion ni. Dɛnɛ sinaa hiow va ɲɛ sɔvɛ a sianin diandan.

Talelan 19:20

Tuei silaa mà cɛl pɛɛkoo, o kon a sɔla kɔlkaloo.

Talelan 2:1

«Po nuu sei! Taa bii pɛ sɔɔn ya co nɔm pɛɛkoo-on, taa loonun pɛ tɔŋnda nilan,

SƐBƐ YƆB-O 22:22

Cɛl pɛɛkuula co fula ndu o sondo lan, mandan sɔɔn ndɔn nɔm o kɔl.

Tɔŋ miingua 5:16

La ke fuɲaa niaa a kalaa niaa bɛɛlen maa mɛɛ Mɛlɛka Hala niaa dimul niaa le tosaa yɛ, haliko mi la viow yoomu, mì la sɔla dɛnɛ kɛndɔɔ o lɛŋnde Mɛlɛka Hala niaa co niaa yɔngu len nin.

Tɔŋ miingua 11:21

O kon te halataala co vɔ pɛ coocoo, yoomu niaa a yoomu cuavaa niaa bandunin o lɛŋnde Mɛlɛka yiilu fuɲaa niaa mamaa kpemaa, mó mɛnan le nda keo len coo.