Talelan 30:5 - BII BILA

⁵ Sɔɔn Hala-on kpow n co n'diandaa valan. Ndu co kɔ̀ɔ̀ cɔwvo le vanaa viannun ndu o ba bɛngu-a kpow ni.

Talelan 30:5 Referans Kwoze

Condii lisai 18:30

Nɔm tosa ni mì del kunda vanaa cɔwva coo, nɔm tosa ni mì tiwba kpaki kobio hiovɔɔ.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Condii lisai 12:6

Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»

Condii lisai 3:3

Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

Condii lisai 119:140

Vannda co fula kɔɔlio tosaa o sɔɔn nɔmndon nin kpow, kɛ ya vana baalaa nɔmndo, i kaola mun taw.

Condii lisai 91:2

I co Mɛlɛka dimullo aa: «Nɔm co nɛɛ nia viannannda a kpaki nuu ni. Hala nuu, nɔm ya tiindan ni.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Rɔmnda 7:12

Nduyɛ tɔŋndo connun o diandaa, sɔɔn co lenin-ndon bɛɛ n co n diandaa, n sandu, n naŋ.

Condii lisai 144:2

Ndu co ya kandaa ni, kpaki nuu, nɛɛ nia viannannda, vana baŋaa nuu, kɔ̀ɔ̀ cɔw co ya kandaa-o, o ndu nin ya viannun ni. Ndu kɛ́si vannda kpow ya o labɛngunin ni.

Condii lisai 19:8

Tɔŋ Hala-o tiwnun, ndu yɔ̀ngu vana yoomuan le va yoomu ni. Toɲaa pɛɛkula Mɛlɛka lan la co ni, lan la siinguu vana nɔ taasi loo vana kɔlkaloo ni.

2Samiɛl 22:31

Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

Condii lisai 18:2

I kaola nɔm Mɛlɛka, nɔm co kpaayaa nuu ni.

Talelan 2:7

Ndu malaa co o mandaa o ba le vanaa co sakpo-a ni. Ndu co kɔ̀ɔ̀ cɔwvo le vanaa co kelaa o sandei nin-nda ni.

Condii lisai 18:31

Nɛi Hala-o co o tiwnanndo, sɔɛi Mɛlɛka-e co sɔɛi toɲa. Ndu Mɛlɛka co kɔ̀ɔ̀ cɔwvo le vanaa viannun ndu o ba bɛngu-a kpow ni.

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.