Talelan 30:4 - BII BILA

⁴ Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Talelan 30:4 Referans Kwoze

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

SƐBƐ YƆB-O 26:8

O heelu mɛnndan o yumbuyumboo nin, mɛ̀ɛ́-mɛ̀ɛ́ ma lusul, yumbuyumboo buli le.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Tɔŋ miingua 30:12

Ó co o halataala le, yɔŋii vana dimi aa: ‹Nɛ̀ɛ́ hel-lɛnin o halataala mò kɔ cuu naa ndu, haliko mi n tuei ndu mì n kela lecoo?›

Dɛnnda cɔɔmuanndan 19:12

Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Rɔmnda 10:6

Kɛ sandii fula o laalanndo nin-nde ndi dimi aa: «Dimin o kɔl nin te aa: ‹Nɛ̀ɛ́ hel-lɛnin o halataala?› Le kɔlan Krista tuisio lɛŋ nanu co kon ni.»

Tɔŋ miingua 28:58

Te la bìí sɔɔn tɔŋndo ho kpow, mì la kela lecoo le, sɔɔn sɛvan mun o sɛbɔɔ nin-ndon pɛɛn, te la yɔ́ŋ siòònde a diola lebɛɛla kpúlúnkùmala Mɛlɛka Hala niaa le,

Esai 53:8

Má bii ndu a kɔlvesɛiyo, má kɔɔsal ndu, o vanaa nda va telen kon-nda tɛɛn, nɛ̀ɛ́-nɛ̀ buulan yɛ le faŋa ndáà faŋa ndu o lɛŋnde vanaa kiyɛiya coo-o? Nduyɛ, a dii ndu le yɔŋnda vɔɔnda vanaa niaa a le kpundɛ óò del nda coo-o.

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

Masaa kialaa n'yamaa 13:18

Mí mɛlɛkanɔ Hala-o muli aa: «Le yɛɛ nɛ n yeema yɛ diola nilan sinaa? Diola kaamaalan la co ni.»

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Condii lisai 24:2

Ndu cɔw ceendo o mɛmma bɛnduan coo ni, ndu simi ndu o peelan coo ni.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

O Kandɔɔ 32:29

Mó dimul ndu aa: «Kandɔɔ hau, diola nɔmnda co lɛ aa Yakɔb le, nuaa n nɔ nin diolan ni aa Israɛl. Kani a cɔlɔba a Hala má cɔlɔba a vanndacieea, má tiw nda ba.»

Fulaa 15:10

Kɛ nɔm Mɛlɛka, mɛɛ n hɔŋ hoeyii nɔmnde, mì mɛnndan ma kumbu nda kpow, má mɔɔva o mɛmma ihɛlma yingilan nin maa ciliŋii dingɛn.

Condii lisai 135:7

O co piɔɔ helaa cuaa o lɛŋnden mɛɛlulan, o co taŋndan volio le piɔɔ tuisio. O co hoeyii o va mandaa-e solio.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

SƐBƐ YƆB-O 11:7

A nɔ o kɔl maa a nɔla yiyannda Hala lan kpede sinaa? A co yiyanndo maa a nɔla ma saalun peelɔn Hala nɔ Kpaayaa-Kpow-vo-o?

SƐBƐ YƆB-O 11:8

Peelɔn ndɔɔ co o helaa coocoo maa halataalaa. Vɛɛ nɛ n yɔŋ yɛnin? O hiow ciee-piɔ́m yingilaa. Yɛɛ n sina yɛnin lenin?