Talelan 3:6 - BII BILA

⁶ Kindin le hɛnan Mɛlɛka-o sinaa o dɛnnda n co tosaa lan kpede nin, ndu siɛɛnduunin nɛila nɔmndan ni.

Talelan 3:6 Referans Kwoze

Talelan 16:3

Cɔm Mɛlɛka kpekula nɔmndan, mì tuula nɔmndan la peelun.

Condii lisai 32:8

Mɛlɛka dimul-la aa: «I pɛɛkunin nɔm, mì cɔm nɔm nɛi n bɛnda le kelaa coo-o. I silanin nɔm, mì landu hɔlla nɔm coo.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Yeremi 10:23

Mɛlɛka, i sina maa vanacieo nɔla kelaa mɛɛ o bɛnda yɛ le, vanacieo nɔla kelaa a ba ndɔ o nɛila kɛndɛlan coo le.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Esai 30:21

Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»

Esai 48:17

Nuaa Mɛlɛka, vana niaa baŋaa, O-Diandaa Israɛlla soo ni aa: «Ya Mɛlɛka, Hala niaa, i co niaa pɛɛkoo le dɛnɛ niaa kɛndɔɔ, i cii niaa yɔɔ o nɛi niáà bɛnda le kelaa coo-o coo.»

Kolɔsea 3:23

Ɲɛ-ɲɛ niaa va pɛ tosaa, la tosà ndu a kɔllo kpow maa le Maalii, kɛ o va le vanaciee le.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Talelan 23:17

Páŋalà vanaa lahakia le, kɛ nɔ siòòŋii Mɛlɛka-e lɔ́ɔ́-lɔ́ɔ̀.

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

1Samiɛl 30:8

Mí David ɲuna Mɛlɛka aa: «Te i ɲaanun pɛ vannda ha kɔɔli, vɛ̀ɛ̀ i biinin pá nda?» Mí Mɛlɛka mulul ndu aa: «Kuel nda, a co nda bendal mà baŋa vanaa nda bii-a.»

Esai 45:13

Ya pila cua Siris o sandii nii nin ni. I peelunin nɛila ndɔlan kpede. O minginin kobi nuu tangul, mò ke vanaa niaa co o cɛlen nin-nda hɔ́ɔ́yɛi. O venin a bɔnɔ le, o venin vɛlɛ a ɲɛ-sɔlaa le.» Mɛlɛka-Nɔ-Kpaayaa-Kpow-vo soo lende ni.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

Kundalan 9:20

Lɔ́ɔ́ lepum, le palɛi bingi koni kumnde ndíì sim o Calta Mɛlɛka lan coo ni. Lɔ́ɔ́-lɔ́ɔ̀, tɔɔmasele Mɛlɛka ndóò yɔngù-o ndáà cum le dɔ́ɔ́ngɔ́ɔ̀ kilaa, te kon te le ndu puusiaa ni.

Nehemi 7:5

Mí Hala nuu yɔngu ya yiyanndo le vanaa bɛndua, simlacia a vanaa tɔ̀a kpow bɔɔŋiaa le nda diolan sɛvaa. Mí saalun sɛbɛ diola vanaa tasea fula o biyɔɔ nin-nda va lasɛvaalan nin-ndo.

Talelan 11:5

Dɛnɛ sandaa yaa vanaa sandaa o nɛi sandaa coo ni. Vana yɔŋ vɔɔndo yɛ, yɔŋ vɔɔn ndɔɔ laasiàà ndu ni.

Yeremi 42:3

Màá Mɛlɛka Hala nɔmndo cɔm naa nɛi naa n bɛnda le kɔlan coo-o a ɲɛ naa n bɛnda le tosaa-o.»

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.