Talelan 3:5 - BII BILA

⁵ Sɔɔnun Mɛlɛka o ba a kɔl nɔmndo kpow, tííndàn dɛnɛ sinaa nɔmndo le.

Talelan 3:5 Referans Kwoze

Condii lisai 37:5

Mal dɛnnda nɔmndan Mɛlɛka o ba, ma laalan ndu, o tosanin.

Talelan 28:26

Vana tiindan pɛ yiyannda ndɔla ndu pila lan, mɛɛ diɔm sondo vesɛiyo co kon ni. Kɛ vana kela pɛ a kɔlkaloo, o hɛli-hɛlin kpundɛla bɔɔ-bɔɔ.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Yeremi 10:23

Mɛlɛka, i sina maa vanacieo nɔla kelaa mɛɛ o bɛnda yɛ le, vanacieo nɔla kelaa a ba ndɔ o nɛila kɛndɛlan coo le.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Condii lisai 125:1

Condii vannda keì solio nɛi-tɛɛn o kɔlan-nde. Vanaa tiindan Mɛlɛka-a vanin maa pembei Siɔn, i kpeŋannin te, i vanin le lɔ́ɔ́-lɔ́ɔ̀.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Talelan 22:19

I co nɔm hau sinapɛngoo yɔngoo a mun o kɔɔ, haliko ma kɛsi kɔl nɔmndo Mɛlɛka coo.

SƐBƐ YƆB-O 13:15

Hala yeema pɛ o dii ya, i nɔ lɛ dɔ́ɔ́ tiindan te. Kɛ fɔ mì kɔɔsa le kela nuu.

Talelan 23:4

Saangian kiltan bolofaa kɔɔli le, faŋa yiyan nɔmndo lecoo few.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Kundalan 9:20

Lɔ́ɔ́ lepum, le palɛi bingi koni kumnde ndíì sim o Calta Mɛlɛka lan coo ni. Lɔ́ɔ́-lɔ́ɔ̀, tɔɔmasele Mɛlɛka ndóò yɔngù-o ndáà cum le dɔ́ɔ́ngɔ́ɔ̀ kilaa, te kon te le ndu puusiaa ni.

Kundalan 9:22

Kumii ken ndíì cii palɛi ŋiin, ndíì cii paangii pilɛ, ndíì viow vɛlɛ bɛɛ taw o Calta Mɛlɛka lan coo lon, Israɛlla va icali o dɔ́ɔ́ngɔ́ kon nin tuŋ, ndáà kue laci le. Fɔ mì kumnde ndíì faŋan malan ndáà puusiaa dɔ́ɔ́ngɔ́ ndaa le hiovɔɔ.

Ɛsdras 8:23

Lelan naa n bii sumndo ni, mí n piɛi Hala naa, mó muli piɛile naalen.