22 Lan la malanin nɔm ni ma vili ceen sɔvɛɔ a ceen yeelɛiyo.
Kani yoomoo n co le vanaa co mun cɛlɔɔ-a ni, kɛndia n co le dialun ndan kpow ni.
Kani maa mɔsil kɛndɛ-kɛndɔɔ la co nɔm o lebol ni, maa yɔɔva laboloo la co le bolola nɔmndan ni.
Maalii, sɔɛi nɔmnde tosa ni mì vana de yoomoo tɔnɔ. Ndi tosa ni mí va vɔ hau yoomu. A singinin ya mà mingi ya kɛndɛa o milin.
Kani o co sɔɛi taanin te sɔɛi he co le niaa le, sɔɛi yoomu niaa i co ni. Te la bii ndi pɛ, la sɔlanin yoomu vilɛiyo o lɛŋnde niaa co Yurdɛn taŋɔɔ le len kɔlan hiɔlɔɔ len nin.»
Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.
Kani vana saalun ya pɛ ndu saalun yoomoo, o kon Mɛlɛka ce ndu ɲia.
Soon cindaa taasio co le vanaa nɔ ndu-a ni. Diɔmaa sondo vesɛiya yɛ, diɔmii ndɛi nda pila-e saangiaa nda ni.
Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.
Vana nuwviaa pɛ dɛnɛ sinaa mɛɛ ndu pila kaolan. Vana holnun pɛ sinapɛngoo ndu sɔla dɛnɛ kɛndɔɔ.
