Talelan 3:2 - BII BILA

² kani lan la cɔɔlunin palɛi nɔmnde bɛndi ni, lan la cɔɔlunin vɔsila nɔmndan a kɔlɲulu nɔmndo ni.

Talelan 3:2 Referans Kwoze

Talelan 4:10

«Po nuu sei! Yaŋ-ndɔ nilan mà tuei sɔɔn nun. O kon a viawnin yoomu vɔsilan taw.

Talelan 9:11

Ya Kɔlkaloo, i cɔɔlunin yoomu nɔmndo bɛndi, mì cɔɔlu vɔsila nɔmndan kui.

Condii lisai 91:16

I bɛndinin yoomu nɔmndo, mì cɔm nɔm cinda nuu.»

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Condii lisai 128:6

mà ce cuavaa poaa nɔmnda vialunin-nda. Màá Israɛlla sɔla kɔlɲuloo!

Condii lisai 119:165

Vanaa kaola tɔŋ nɔmndo-a a co a kɔlkɛsiaa bɛndoo, ɛɛ nduyɛ, ɲɛ-ɲɛ tosanin ma boŋ te.

Talelan 10:27

Siòòŋii Mɛlɛka-e nɔu, kon bɛndi yoomoo ni, kɛ vanaa tosaa dɛnnda vɔɔnda nɛi vu le.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Condii lisai 21:4

A co hunɔɔ ndu o hɔl a duaalan taw, a co mɔsil lemasa n'sianio handɔɔ ndu o lebol.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

SƐBƐ YƆB-O 5:26

A toalnin o sɛiyo nin a yoomuan o n'dial ɲɛkɛndɛi, mɛɛ vana dii malun latumbun vesa ɲɛkɛndɛi-yon kundaa nuaa yɛ.

Tɔŋ miingua 11:21

O kon te halataala co vɔ pɛ coocoo, yoomu niaa a yoomu cuavaa niaa bandunin o lɛŋnde Mɛlɛka yiilu fuɲaa niaa mamaa kpemaa, mó mɛnan le nda keo len coo.

1Masaa 3:14

Handɔɔ o kon coo, taa kela pɛ o nɛila nilan coo, ma bii sɔɔn nun a tɔŋnda nilan mɛɛ David fuɲa nɔm tosa yɛ, i cɔɔlunin yoomu nɔmndo bɛndi.»

Talelan 16:31

Mɔsil lebɛɛo yulunnde co ni, o dɛnɛ sandaa tosaa vana sɔla ndu ni.

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

Talelan 4:4

Fuɲa nuu va ya pɛɛkoo a ya dimullo aa: ‹Mandan sɔɔn nun o kɔl kpáŋ. Bii tɔŋnda nilan, o kon ma va yoomu.