Talelan 28:4 - BII BILA

⁴ Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Talelan 28:4 Referans Kwoze

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

Matie 14:4

Kani Nsaŋ va ndu dimullo maa o nɔ dí, mò cua Herodiade kon, mò va laa ndɔ le.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Condii lisai 49:18

Kani lɔ́ɔ́ o vunin-ndo, o kuenin a ɲɛ-ɲɛ o ba le, ɲɛ-sɔlaa ndɔɔ dimnin ndu nɛiyo kɔɔli ciee-piɔ́m te.

1Masaa 18:18

Mí Elii mulul ndu aa: «O co ya le co dɛnɛ palaa tuisio Israɛlla coo le, kɛ nɔm pila kpeekpei a yungu fuɲa nɔm-ndo, niaa co dɛnɛ palaa tuisio Israɛlla coo ni. Kani la kɛɛ le tɔŋnda Mɛlɛka lan biyɔɔ, mí la mulin Baalla sooloo.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

1Nsaŋ 4:5

Ceendo nɔ vanaa kan ni. Lelan nda soaa maa vanaa ceen ni, mì ceendo yaŋ nda nilan.

Dɛnnda kiilaa 15:2

Pol, Barnabas a vanaa kan cɛlan o dɛnɛ kon coo le, má sɛɛgian taw. O kon má tuu maa Pol, Barnabas a vanaa pum a kɔ Yerusalɛm, mà kɔ komal kiilaa a kaasoŋaa kɔlkalua kunda vanaa laalannda le sɔɛi kalɛi.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Dɛnnda kiilaa 19:9

Kɛ mí vanaa pum nda tɛɛn a kindi nilan, má kɛɛ le laalanndo, má va sɔɔn vɔɔnndon dimio vannda kpow o hɔl a nɛi Maalii-yo o kɔɔ. Le hee, mí Pol faŋan nda kɔɔli, mó kɔannun a kaandeŋaa ndɔa, o va nda pɛɛkoo lɔ́ɔ́-lɔ́ɔ̀ o cɛi pɛɛkaa Tiranus-o nin.

Dɛnnda kiilaa 12:22

Mí vannda yonda aa: «Diom hala-o naa n co tueyɔɔ nuaa ni, o co diom vanaciee le.»

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Yeremi 5:30

Dɛnɛ kɔlvesɛiyo a dɛnɛ imɔnɔɔ co bɔɔ tosanndo o lɛŋnden nden nin.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 13:15

O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.