Talelan 28:1 - BII BILA

¹ Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

Talelan 28:1 Referans Kwoze

Tɔŋ miingua 28:7

Tuma yaamɔaa niaa cannin le niaa cɔlɔbaa-o, o yɔngunin niaa kpaayaa mì la tiw nda ba. Taa kei pɛ o nɛiyo ndu pilɛ coo le hunɔɔ niaa cɔlɔbaa, a ɲaanunnin niaa, mà sɔɔndian o nɛilan tan ŋɔmmɛw.

Condii lisai 53:5

Hala dimi aa: «Vanaa co kan dɛnnda vɔɔnnda lan tosaa-a kpow a nɔ kɔlkalu le. Á co kan yungu nuu dioo mɛɛ vana dia ɲɛdiaa nuaa yɛ-a, à co bɛɛ ya Hala piɛi le.»

Condii lisai 112:7

Siòòŋii ve ndu a sɔɔn vɔɔn te. O nɔ kɔlkɛsiaa, o tiindan Mɛlɛka.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Dɛnnda kiilaa 14:3

Kɛ nduyɛ, mí Pol nda Barnabas a cii telen vilɛi Ikoniɔm ciee. A va sɔɛi a laalanndo, kani ndáà tiindan Mɛlɛka, mí Mɛlɛka cɛl, má tosa dɛnnda kaamaalan a dɛnnda kɔndɔfiltan le cɔmndo maa toɲaa sɔɛi nda va dimio a kɛndɛi ndɔɛi o kɔɔ-e va ni.

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Tɔŋ lasálàá 26:36

O niaa tɛɛn, vanaa lonin yoomu o lɛŋii yaamɔaa ndaa nin-nda, i lueinin kɔl yulan-yulanndo nda nin. Hali hoeiye hiiluu peelen nin, mà tuei hiiluu kon, a voolunin mà ɲaanun mɛɛ vana ɲaanun yaamɔɔ co hunɔɔ a mɔɛi cɔwve o ba-o nuaa yɛ. A delinin hali mì vana ve nda tovɔɔ le.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

2Masaa 7:15

Mí kiilaa kan diam foofola Aramiia, má kɔ tiiya háá Yurdɛn o peelo. Volɔɔla cuɛinanndan a ɲɛm celeŋun Aramiia va keiyo sɛŋio o kiltan nin-ndon kínɛí nda va komallo o nɛi ni. Má muungu, má kɔ downun masaa kona.

Esai 7:2

Mí vannda kɔ dimul yungu David-o aa: «Aramiia kila dɔ́ɔ́ngɔ́ɔ̀ o tàndá cuavaa-imamaa Efraim-nda nin.» O kon, mí masaa Ahas nda vanaa ndɔa hiilun kɔltan mɛ̀ɛ́-mɛ̀ɛ́ hoeyii fùkù-fùkùei hiiluu yɔmnde o bundɔɔ nin nuaa yɛ.

Fulaa 11:8

Mí Moise cɔɔlu vɛlɛ dimi aa: «Paale len le tiiya pɛ, vanaa baalaa nɔmnda ha kpow a hunnin, mà del-la o labɛngunin, mà dimi aa: ‹Cua vanaa nɔmnda mì la kɔɛ›. O kon, i cuanin nda mì n kɔɛnnun.» Mí Moise fula o Faraɔnnɔɔ lo a kɔltuwvo taw.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›

Talelan 27:27

Nɔnɔ bɛndu cuinaa nɔmnda vanin solio-o, la dɔwnun balo a ndu niaa yungu nɔmndo a buɛyaa nɔmaa laandua.

Esai 30:17

Vanndo ndu pilɛ kpé vueinunnin niaa ni, mì vannda vàá pilɛ o niaa tɛɛn ɲaanun ndu. Vannda nda ŋuɛɛnu vueinunnin niaa, mì la ɲaanun kpow háá mi la lo ɲɛ-pɔmbɔɔ doolɛ maa yɔm landaa lɛfɛ co o pembei tullo-o, maa lɛfɛ-landaa lo o pembei coo-o.

1Masaa 1:49

Mí siòònde bii vanaa Adoniya ndóò veelu-a kpow. Má piɔl, mí vana-vana bii nɛi ndɔ.

SƐBƐ YƆB-O 15:21

Ɲɛm vueinanndon co sɔɛi ndu o lani. Tuma o vànnùn o kɔlɲuloo nin-ndo, vana tɛɛmbua kuel ndu.

Condii lisai 53:6

A ɲiiyanin a siòònde, nda vanaa siòòŋii ndíì bii kan te-a. Kani Hala saŋnin paala vanaa co yungu ndɔɔ saangiaa-a. Siɛmbulan la toalnin nda, kani Hala kɛɛ nda.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.