Talelan 27:9 - BII BILA

⁹ Cuɛima cun kɛndɛan a lasikɔlɔɔ nɛŋi vana kɔllo, kɛ mamɔɔla icanyalan la co fisa a lasikɔlɔ báà kala bɛndoo.

Talelan 27:9 Referans Kwoze

Talelan 16:21

Vana nɔ yiyan kɔlkaloo-o co vana taasio ni. Mɛɛ sɔɛi hɛnan vana o tueyɔɔ yɛ, lende koni i cɔɔlu vana sinapɛngoo ni.

Condii lisai 23:5

A co ɲɛdiaa sɔvɛɔ toosiaa le ya yaamɔaa nia o hɔl, a co ya cuɛiyan suuo o lebol, taala kólaa nuu co piɔu háá mò va coŋndo.

Talelan 15:23

Vanndo yala pɛ sɔɛi caa muli o dɔwnun ɲaale. Sɔɛi naŋ dimio o telen bɛnda-o.

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Nsaŋ 12:3

Mí Mari cua siani cuɛima báà kálà-kálàn mapum ma va nin-ndo, mó taaliaa man Yeesu o n'pelu. O kon kɔɔli, mó yiikpiaa ndu pelon a yiiŋii ndɔɛi. Mí cɛiyo pia cá a cun kɛndɛ cuɛima man.

Condii lisai 133:2

O co ko macoaa maa cuɛima kɛndɛ-kɛndɛma nda tala o lebol mì ma toal o siɛye coo-an, o siayii Aarɔn-nde coo pɛɛn, ma co tolɔɔ o cɔcɔn doma ndɔɔ coo-an.

Masaa kialaa n'yamaa 9:9

Kɛ mí olivieeo mulul ndi aa: ‹Niaa ca ko aa i mɛinin cuɛima nian solio, cuɛima hɛnan man halaa a vanndacieea-an, mì kɔ cal saangianndo masalen tosaa yɔmii celen coo baa?›

Dɛnnda kiilaa 28:15

Mɛɛ puapilɛa naa va Rɔm-nda tuei naa tɔ́ɔ́, má hun naa bɔŋa háá Apius o lɔ́ɔ́ nin a o Cɛila Yaala Yiyaa mialla. Pol cɔu nda dɔ́ɔ́, mó mel Hala balika, mó sɔla yoomuan.

Condii kɛndɛ-kɛndɛi 1:3

Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

Talelan 7:17

I cucu ɲɛla cun kɛndɛlan o kpele nuu coo: mir, aloɛs a sinamɔm.

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

1Masaa 1:12

Lelan, sila ya co nɔm yɔngu-o, a bii ndu pɛ, a ciindiaanin yoomu nɔmndo, mà ciindiaa vɛlɛ yoomu Salomɔn po nɔm-ndo.