Talelan 27:8 - BII BILA

⁸ Maa yow co kelanndo vɛɛnnde ndɔlen levil-lo vana kɔɛ kaunalen lɛŋnde ndɔlen levil-lo co ni.

Talelan 27:8 Referans Kwoze

Esai 16:2

Maa mɛɛ yovaa nda bendu o vɛɛnnden nin ma ɲaanun nda va nuaa yoloma-yoloma yɛ, lende vanlaandua Moab vanin o tɛyii peo Arnɔn taŋɔɔ ni.

Talelan 21:16

Vanndo mal pɛ nɛi taasio, mɛɛ ndu keleŋanin lakɔ ciee-piɔ́m mò kɔ va lon nda vanaa co lɛ le-a latulu.

1Korɛntea 7:20

Vana-vana vannun mɛɛ o va mí Hala veelu ndu yɛ.

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

1Masaa 19:9

Elii ndóò tiiyaa Horɛb lon, mó luɛi o buululan nin, mó lɔl lon. Icɔl kon, mí Mɛlɛka soaa o ndu lo, mó ɲuna ndu aa: «Elii! Yɛɛ nɛ n hin yɛ tosa nanu?»

1Samiɛl 22:5

Paale pum, mí Kad vana-tɛɛngaa-diom Hala-o dimul David aa: «Lo o vionnɔnndo nin te, cɔn mà muungu o tàndá Yuda-o nin.» O kon mí David can, mó kɔ kila caltan o bundɔɔ Herɛt nin.

Talelan 26:2

Mɛɛ nɛ́ɛ̀nɛ́ɛ̀a, te kon te lɛɛfɛnnda balu coocoo nuaa a cel te yɛ, lende danga dɔwnun o fondo fúúo coo-o co ni, o bii vana-vana le.

O Kandɔɔ 4:16

O kon, mí Kain faŋan Mɛlɛka o hɔl, mó kɔ calnun o lɛŋnde Nɔd len nin, lɛŋnde len le va lɛŋnde Edɛn-nden a ba paalen le can-ndo.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

Talelan 27:7

Vana co o pumaa-o, hali va malɛɔ nɛwvo o nɛ̀w ndu a labɛngu ni. Kɛ vana yiaan ma co nɛiyo-o ndu, ɲɔɔ lol bɛɛ, yeelaa o yeela ndu o sondo ni.

1Masaa 11:22

Mí Faraɔnnɔɔ ɲuna ndu aa: «Yɛɛ nɛ co yɛ nɔm pɛŋnden nanu ma va yeemɛi le muungoo o lɛŋnde nɔmnden nin?» Mó muli aa: «Ɲɛ-ɲɛ co ya lepɛŋ te, kɛ o va bɛɛ lende, cɛl-la mì kɔɛ.»