Talelan 26:25 - BII BILA

²⁵ Vana vaa lende soo bɛɛ sɔɔn kɛndɔn, laalan ndu le. Kani kɔl ndɔɔ co o piaa cá a sɔɔn vɔɔnndon.

Talelan 26:25 Referans Kwoze

Yeremi 12:6

Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Condii lisai 28:3

Tósà a ya mɛɛ n tosà a vanaa kɔlvesɛiya yɛ le, vanaa yɔŋ vɔɔnda pɛɛn. Vanaa kan co vannda sɔɔn kɔlɲulon dimullo, kɛ kɔlvesɛiyo co o piaa nda o lakɔl cá.

Matie 24:23

Lelan te vanndo dimul niaa pɛ aa: ‹Krista co nanu›, te kon te aa: ‹o co o nda›, la láálan ndu le.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Misee 7:5

La láálan vanayan niaan te, la kɛ́sì kɔllo caaŋaa niaa coo le. La mandaa sondola niaalan, hali o va bɛɛ landaa niaa o hɔl.

Talelan 23:7

Kani mɛɛ yiyannda ndɔla vɔɔnndan la co yɛ o co ni. O dimulnin nɔm aa: «Dio ma kol», kɛ kɔl ndɔɔ connun polon a nɔm.

Talelan 26:23

Sɔɔn kɛndɔn vanndo dimullo kɛ ma nɔ nɛyɔn ndɔɔ o kɔl, kon co ko kpen a bɔ́wvo yikpaa o volin humbun dindu lon.

1Samiɛl 18:17

Saul va dimio o kɔl nin aa: «Màá Filistia díí David, kɛ màá o vá ya pila le díí ndu le!» Le hee, mó dimul David aa: «Má cè Merab cua ni tasoo! Ndu ya co nɔm yɔngu mo va laa nɔm ni. Kɛ fɔ ma tosal-la fɔlɔn baalaa a dialun fulan o cɔwla Mɛlɛka lan tosaa nin.»

Nehemi 6:2

Mí Sanballa nda Kesɛm a vim ya kiilaa le bɔŋanndo naa ndaa Kefirim o bóllo Ono nin. Nduyɛ, ndáà cii nin mɛi le ya dɛnɛ vɔɔndo tosallo.