Talelan 26:12 - BII BILA

¹² A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Talelan 26:12 Referans Kwoze

Talelan 29:20

A ce nin vana soaa o yiyan too? O co fisa mì vana tiindan diɔm sondo vesɛiyo, yɔŋii vana tiindan vana vaa lende.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Talelan 28:11

Vana bolofaa yiyan maa o kendu kɔl, kɛ vana bala fondo sina dɛnɛ-o nɔla mò soli ndu kɔlɔ.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Talelan 26:5

Múlúl diɔm sondo vesɛiyo mɛɛ diɔmii ndɔɛi co yɛ, yɔŋii o yiyan maa ndu bɛɛ kendu kɔl.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Luke 7:44

O kon, mó muli hɔlla a kpengii cuaa va-e, mó dimul Simɔn aa: «A ce cuaa ho? I hin o nɔm ndo, a ke ya mamɛn mì pulu n'pelu le. Kɛ ndu ndu, o pilu ya pelon a mɛmɛma ndɔan, mó vɔɔsu mun a yiiŋii ndɔɛi.

Talelan 26:16

Vana siɛlɛiyo ca ko aa ndu hiow kɔlkaloo a vanaa kɔlkalua caa sɔɔn mulio-a a ŋɔmmɛw.

Talelan 22:29

A ce nin vana caa vali ndɔɔ taw-vo? Le masaa o tosanin vali ndɔɔ ni, o lonin ndu tosaa maa vanaa baalaa vannda sina le-a le.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Nsaŋ 9:41

Mí Yeesu mulul nda aa: «Te niáà va pɛ vanaa sumɛiya, niáà nɔnin haki le. Kɛ la co nin dimio aa: ‹N co cɔu:› lelan hakio co niaa kuee.»

Talelan 12:15

Nuaa diɔm sondo vesɛiyo yiyàn ni maa o co dɛnndan kpow caa tosaa. Kɛ vana bii silalan-ndo, ndu siŋnun vana kɔlkaloo ni.

Talelan 28:26

Vana tiindan pɛ yiyannda ndɔla ndu pila lan, mɛɛ diɔm sondo vesɛiyo co kon ni. Kɛ vana kela pɛ a kɔlkaloo, o hɛli-hɛlin kpundɛla bɔɔ-bɔɔ.

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!