Talelan 24:9 - BII BILA

⁹ Tuula diɔm sondo vesɛiyo, le dɛnɛ vɔɔndo tosaa daama la co ni. Vana mam vannda-o nɛinun bɔɔ vannda.

Talelan 24:9 Referans Kwoze

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Dɛnnda kiilaa 8:22

Lelan, mal yiyan vɔɔn n nɔ hoo-o, mà piɛi Mɛlɛka, o kon te o nɔla pɛ tosan, mò mal nɔm haki le yiyan n sɔla ho o kɔl-lo.

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Talelan 29:8

Vanaa simul masalen-nda hun a vɔkɔ-vɔkɔɔ o kobio nin ni, kɛ vanaa kɔlkalua ɲumi kɔltuw vannda ni.

Talelan 24:8

Vana tuu tuula dɛnɛ vɔɔnndan-ndo, nuaa nda veelu ndu ni aa kɔɔfanɔ yɔŋ vɔɔndo.

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Talelan 23:7

Kani mɛɛ yiyannda ndɔla vɔɔnndan la co yɛ o co ni. O dimulnin nɔm aa: «Dio ma kol», kɛ kɔl ndɔɔ connun polon a nɔm.

Talelan 22:10

Tow vana yongaa mì sɛɛngianndo cuu, vana tui lɛnin lasɔngɔ a layeovan te.

Condii lisai 119:113

Vanaa kɔlta muuluannda hɛnan ya le, kɛ tɔŋ nɔmndo ya kaola ni.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Talelan 9:7

«Vana sila pɛ vana man vannda mamɔɔ tɛɛndanndo-o, o ce nɔm fúú. Vana sila pɛ vana kɔlvesɛiyo, o yeow nɔm.

Talelan 21:24

Vana kuundian pɛɛsa caanda-o, diola ndɔlan aa «Yongaa». A yonga ndɔ bɛndu-bɛndoo o tosa dɛnndan ni.