Talelan 24:5 - BII BILA

⁵ Vana kendu pɛ kɔl ndu nɔ kpaayaa, vana taasio vángalà yoomuma ndɔan ni.

Talelan 24:5 Referans Kwoze

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Talelan 21:22

Vana kɔlkaloo nɔlà mò kɔ del kobi kuubaa cɔvaa mayoomua co kandaa-o coo, mò koomba kpaki kobi kon ndóò tiindan-ndo.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Talelan 10:29

Nɛila Mɛlɛka lan la kanda vanaa sandaa maa kpaki, kɛ mì la tɛɛmbuu vanaa kɔlvesɛiya.

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

Condii lisai 84:7

Mɛɛ nda va hiovɔɔ o bóllo Baka nin, mí nɔm Hala siinguu ból kon soonnda mamɛnndan, mí piɔɔ tasoo toal, mó tiw dalalan ndon kpow.

Talelan 24:6

Le kɔlan o cɔwvo, cal fɔlɔn ma tuu ɲɛkɛndɛi mɛɛ n kɔanin a sɔɔn yɛ. Vana nɔ pɛ vanaa silaa sɛ́lɛ́, a nɔla yaamɔɔa o cɔwvo.

Esai 36:5

A co yiyanndo maa sɔɛi sondoei tosa ni mì vana sɔla silaa a yoomuan o cɔwvo nin. Nɛ̀ɛ́-nɛ̀ n tiindan yɛ ma simul-la simullo ho?»