Talelan 24:25 - BII BILA

²⁵ Kɛ vanaa kialaa n'yamaa yaala pɛ vanaa nɔ dí le-a, vannda naŋ kɔl a nda, a dɔw nda duaa.

Talelan 24:25 Referans Kwoze

1Timote 5:20

Soo vanaa co dɛnnda lahakilan tosaa-a vannda kpow o hɔl, o kon mì vanaa tɔ̀a yɔŋ siòònde.

Talelan 28:23

Vana cɔm pɛ vanndo sɔvun ndɔn, o mɛɛlu nɔm yii luɛyɔɔ hiovɔɔ vana sangala ndu-o coo.

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

Tite 1:13

Nduyɛ, toɲaa ɲɛ o dimio-o co ni. Lelan, soo nda o lani ɲɛkɛndɛi, haliko ma sɔla laalan kpeekpeiyo,

Matie 14:4

Kani Nsaŋ va ndu dimullo maa o nɔ dí, mò cua Herodiade kon, mò va laa ndɔ le.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 13:25

Mí soaa nda, mí dɔaw nda vɛlɛ danga, mí lɔaa bɛɛ a pum, mí suingi nda yiinde. O kon má mɛnalan ya o diola Hala lan, maa a kɛsi lɛnin cuavaa ndaa laandua o nɔ̀lan mialla o ba le, maa a yil-lɛnin vɛlɛ laandaa mangalaa isɔɔa le poaa ndaa, te kon te le nda pila le few.

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.

1Samiɛl 3:13

Mí yáà dimul Helii maa i co yungu ndɔɔ dɛnɛ palaa tuisi coo le lɔ́ɔ́-lɔ́ɔ̀ le dɛnɛ ndɔ vɔɔndo. Kani o va sinaa mí poaa ndɔa va dɛnnda vɔɔnndan tosaa, o kpee nda le.

Tɔŋ lasálàá 19:17

La nɔ́ nɛyɔn puapilɛa niaa o lakɔl te. Kɛ te a tosa pɛ sɔɛi vɔɔnde, la veelu nda mì la soo nda, yɔŋii niaa cua hakio le sɔɛi niaa kɛɛ nda-e.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Talelan 24:26

Muli toɲaa cɔm canyɛi lekɛ́ndɛi ni.