Talelan 24:2 - BII BILA

² Kani yiyan tosaa dɛnɛ vɔɔndo kínɛí co nda o lakɔl ni, balta dɛnnda vɔɔnndan kínɛí la fula nda o sondo ni.

Talelan 24:2 Referans Kwoze

Condii lisai 10:7

Sondo ndɔɔ co o piaa cá a mɛɛniaalan, a sɔɔn lacòòvan a á sɔɔn kɔlvesɛiyon. Dɛnɛ palaa a tuula vɔɔnndan koni la co ndu o sondo ni.

Condii lisai 7:14

o toosiaa ɲɛm cɔvun dii vana-on, o bɛɛndiaa kɔɔn nɛyaa-nɛyan leyinndon.

Condii lisai 28:3

Tósà a ya mɛɛ n tosà a vanaa kɔlvesɛiya yɛ le, vanaa yɔŋ vɔɔnda pɛɛn. Vanaa kan co vannda sɔɔn kɔlɲulon dimullo, kɛ kɔlvesɛiyo co o piaa nda o lakɔl cá.

Esai 59:4

Vana-vana co sei biyɔɔ o isandu coo le, vana-vana co kɔsa o toɲa coo le, nda kpow sɔɔn fondon nda tiindan ni, ma va sɔɔn lacòòvan nɔ kɔlɔ loon solinndo o lasondo, a co foli dɛnɛ vɔɔndo cuaa, ma va dɛnɛ sandaa lepɛŋndo violɔɔ.

SƐBƐ YƆB-O 15:35

Vana tuunun pɛ dɛnɛ vɔɔndo o kɔl, ndu kom dɛnɛ palaa. Ɲɛ co fula o dembe ndɔɔ nin-ndo huinin ndu pila.»

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

1Samiɛl 23:9

David sinaa maa Saul va bɛɛndianndo le ndu dɛnɛ vɔɔndo tosallo, mó dimul Abiatar vana-solia-lasálà aa: «Hun a doma ifalen solia lasálàá.»

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Talelan 6:14

Laasianndo co ndu o piaa o kɔl. Telen oo telen o co dɛnɛ vɔɔndo tuunɔnndo o kɔl, o co sɔngɔlan keiyo malɔɔ tuŋ.

Condii lisai 140:2

Éé Mɛlɛka! Baŋa ya vanaa yɔŋ vɔɔnda o ba, kanda ya le vanaa kɔlvesɛiya.

Condii lisai 36:4

Sɔɔn lacòòvan a sɔɔn huiyaa n'vanndon kínɛí n fula ndu o sondo ni. Dɛnɛ kɛndɔɔ tosaa solul lɛ ndu kpeku oo kpeku le.

Talelan 24:8

Vana tuu tuula dɛnɛ vɔɔnndan-ndo, nuaa nda veelu ndu ni aa kɔɔfanɔ yɔŋ vɔɔndo.

Condii lisai 38:12

Caaŋaa nia a vanaa naa n dema kelaa-a co ya kpeeŋianndo le pavii nii, vanayan nun co lɛ ya sɔɔnguu ikɛi le.

Talelan 6:18

kɔl tuu tuula yɔŋ vɔɔnndan-ndo, pelun ɲaanun le kɔlan dɛnɛ vɔɔndo tosaa-on,

Esai 30:12

Lelan, nuaa O-Diandaa Israɛlla soo ni aa: «Le tùú niaa kɛɛ sɔɛi nii he mí la pɛɛsa ndi-o, le tùú niaa yɔngun kɔlvesɛiyo a kafalan o ba bɛngu mí la tiindan lan-ndo,

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Talelan 1:10

Po nuu sei! Te vanaa lahakia yeema pɛ le nɔm lueiyo o pɔwlan nin, malnun nda o ba le.