Talelan 24:16 - BII BILA

¹⁶ Kani hali vana sandaa del bɛɛ leŋɔmmɛw, cɔnnɔnndo o cannin ni. Kɛ vanaa kɔlvesɛiya nda, lɛŋ dí dɛnɛ palaa tiiya nda sondoo ni.

Talelan 24:16 Referans Kwoze

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Condii lisai 37:24

Vana kon siɛla bɛɛ, o del te, kani Mɛlɛka bii ndu baa.

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Talelan 13:17

Kiilanɔ vɔɔndo hun a dɛnɛ palaa ni, kɛ kiilanɔ toɲaa, ndu toosiaa o toosiaa dɛnndan ni.

Amɔs 5:2

Israɛlla del, à cen ndɛnin te few! A co ihini lɛŋ lɛngbɛn, vana-vana co nda cua isisi le.

Condii lisai 52:5

Dɛnɛ vɔɔndo hiow nɔm hɛnan a dɛnɛ kɛndɔɔ, kafalan la hiow nɔm hɛnan a toɲaa.

1Samiɛl 26:10

Mí David dimi aa: «Te Mɛlɛka co yoomu, ndu Mɛlɛka pila co ndu lɔɔ ni. Te o hini a ba ndɔ mo vi le, mɛɛ o sɔlanin piɔ́mndo o cɔwvo nin.

Condii lisai 7:16

O tow pɛ soon yingilaa, o del o soon ndu pila tow kon-ndo nin.

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Amɔs 8:14

A co kan mɛnanndo a hakio Samari, má va dimio-a aa: «Le hala nɔm yoomaa, Dan…! Le nɛi diandaa yaa vana Bɛɛr-Seba-o…!» Nda kpede, a co delɔɔ, à cen ndɛnin isisi le.

1Samiɛl 31:4

mó dimul vana ndɔ cuaa ɲɛm cɔwvo aa: «Cua mɔɛi nɔmii cɔwve mà dii ya, kani i yeema mi Filistia dii haa tooma le-a dii ya le.» Kɛ mí vana ndɔ cuaa ɲɛm cɔwvo kɛɛ, kani siòònde va ndu taw. O kon mí Saul pila cua mɔɛi ndɔɛi cɔwve, mó del lecoo.

Condii lisai 34:21

mò manda palaa ndɔlan kpow, o pilɛ bɛɛ yòm te.

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Talelan 6:15

Lelan dɛnɛ palaa co ndu tolɔɔ coo cɔ́-cɔ́ ni. O yomiyominin, o sɔlanin cɛw le.

Talelan 24:22

Kani o lepilɔɔ kpé nda delnin ni, a sinà dɛnɛ palaa Mɛlɛka nda masaa tuisinin nda coo-o le.

Yeremi 8:4

Dimul nda aa diom Mɛlɛka dimi-o co hoo ni aa: «Vɛ̀ɛ̀ vana del pɛ a cen ndɛ le? Vɛ̀ɛ̀ vana pɔw pɛ nɛiyo a muungu lɛ o nɛi le?

Yeremi 18:17

Yaamɔa va pɛ vanaa nia hinullo, i puusiaanin nda mɛɛ hoeyii fula a ba paalen le can-ndo-e i sɛŋi cundoo yɛ. O paale ndale dɛnɛ palaalen coo, i mululnin nda kɔɔ, yɔŋii ya mulul nda hɔlla.»

O Kandɔɔ 19:35

Icɔl kon vɛlɛ, má koesi fuɲa nda mɔiyan. Mí cua ndɔ diinndɔɔ kɔ hinin ndu kɔɔli, mó va a ndu. Kɛ fuɲa ndɔ sina telen o hun hini-o le, o sina vɛlɛ telen o cɛn-ndo le.

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Talelan 13:21

Dɛnɛ palaa co vana yɔŋ vɔɔndo kɔɔli, kɛ vana sandaa ndu, dɛnɛ kɛndɔɔ co sala ndɔɔ ni.

Esekiɛl 7:5

Nuaa Maalii, o co Mɛlɛka-o soo ni aa: «Dɛnɛ palaa tiiya fɔ́! Dɛnɛ palaa nɔ velan too co o nɛi. Má cè ndu hunɔɔ súlùlù!