Talelan 22:7 - BII BILA

⁷ Vanaa bolofaa o ba bɛngu vanaa bala fondoa co ni. Vana cua kueo-vo co cɛ vana o cua kueo o ba-o ni.

Talelan 22:7 Referans Kwoze

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

Talelan 22:16

Vana hiw pɛ vana bala fondoo yɔɔkpiaa, a siinguu ndu vana bolofaa. Vana ke pɛ vana bolofaa, nɔm pila lo fondo.

Talelan 18:23

A tɛɛlɔnndo vana bala fondoo soaa ni, kɛ vana bolofaa ndu, a kpaayaa o mulì ni.

Nsaki 2:6

Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?

Matie 18:25

Le tùú ndóò nɔ ɲɛ le mun salaa loo, mí vana ndɔ bɛndoo dimi le ndu pila, laa ndɔ, cuavaa ndɔa a ɲɛ-ɲɛ ndóò ndɔ pisio, le kuee ndɔ kon salaa.

Talelan 22:22

Yúngà vana bala fondoo le tùú o nɔ kpaaya loo le, del vana ikɔɔ coo nɛɛ nda kialu yaman o dio luɛyaa kobio nin-nda le,

Talelan 14:31

Vana tosal pɛ vana bala fondoo dɛnndan kpoku-kpoku, mɛɛ a tɛɛndan Vana cɔw ndu-o. Kɛ vana ce pɛ vana bala fondoo ɲia, o ke Vana cɔw ndu-o bɛɛlen.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Amɔs 8:6

O kon kɔɔli, n piandunin vanaa ikɔɔa a volion, mì n pendu vana bala fondoo o pilɛ o samtalan bɛngu. Hali kefun n'mallon, n pisinin mun.»

Amɔs 8:4

La yaŋ nilan o sɔɛi he, niaa co vanaa ikɔɔa bɛpɛlaa, mì la va yeemaa le nda ciiyo tɛɛmbuuo o lɛŋnden coo-a!

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Esai 24:2

Sanga pilɔɔ kpé toalnin vannda kpede coo ni, vanaa-solia-lasálàá nda vanaa co vanaa-solia-lasálà le-a, vana bɛndoo nda cɛ ndɔɔ, vana bɛndu laandoo nda cɛ ndɔ laandoo, yulanɔɔ nda vana piandaa, vana dɔnda vanndo ɲɔɔ-o nda vana o dɔnda-o, vana yɔngu kueo-vo nda vana cua kueo-vo.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Amɔs 2:6

Nuaa Mɛlɛka soo ni aa: «Le yɔŋnda vɔɔnnda yàála Israɛlla tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a co vanaa sandaa pisio le volion, ma va vanaa bala fondoa pisio o samtalan bɛngu.