Talelan 22:4 - BII BILA

⁴ Vanndo tuisin pɛ, mò nɔ siòòŋii Mɛlɛka-e, o sɔla bolofaa, bɛɛlen a yoomu vilɛiyo.

Talelan 22:4 Referans Kwoze

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Nsaki 4:10

La tuisin tootoo Mɛlɛka o hɔl, mò heelu niaa.

Talelan 21:21

Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Talelan 3:16

Yoomu vilɛiyo co kɔlkaloo o ba kɛndɔɔ nin, bolofaa a biiloo co ndu o ba mɛllo nin.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

Esai 33:6

Palɛi niɛi vanin o kɔlɲuloo nin, o kɔlkaloo nin a o dɛnɛ sinaa nin cindaa cɛn tum ni. Siòòŋii Mɛlɛka-e co bolofaa Siɔn-ndo ni.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Talelan 21:20

Bolofaa sɔvɛɔ a ɲɛm kɛndɔn co taw o vana kɔlkaloo lo cɛinin. Kɛ diɔm sondo vesɛiyo ndu, laasiaa o laasiaa ɲɛm ndɔn ni.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Talelan 22:5

Yɔɔn a yaŋɔɔlan la co o nɛi vana kela tuunduɛiyo coo, vana kaolan pɛ ndu pila o kpakpala lan.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 31:30

Dialun kɛndɔn hui vana, naŋɔɔ a hɔllo lo le. Kɛ vanalanɔ tuisin pɛ Mɛlɛka o labɛngunin, ndu sɔla candɔɔ.

Talelan 19:23

Vana nɔ pɛ siòòŋii Mɛlɛka-e ndu vannun yoomu. O pim pɛ o hinin, dɛnɛ palaa komal ndu le.