Talelan 21:8 - BII BILA

⁸ Kela vana yɔŋ vɔɔndo co bɔɔ kandafi-kandafi, kɛ sakpo kela vanaa sandaa ndu connun ni.

Talelan 21:8 Referans Kwoze

Talelan 2:15

Kela vanaa kan kpede co o laasiɛiyo, dɛnnda ndalan la co latuunduɛilan.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Nsaŋ 2:29

Te la sínà pɛ maa Krista sandu, mɛɛ la sínà vɛlɛ maa vana-vana tosa pɛ dɛnɛ sandaa, mɛɛ cua Hala-o o co ni.

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Dɛnnda kiilaa 15:9

O hiyan naa le, o cii nda kɔltan dindi le laalan nda laalanndo.

Matie 12:33

«Yɔm oo yɔm naŋ pɛ, naŋɔɔ komɔɔ ndɔɔ naŋ ni, te kon te yɔmndo vɔw pɛ, vɔwlen komɔɔ ndɔɔ bɛɛ vɔw ni, kani o komɔɔ lo vana sina yɔmndo ni.

Matie 5:8

Dɛnɛ kɛndɔɔ co le vanaa dendu kɔltan-nda, kani a canin Hala.

Daniɛl 12:10

Vannda taw a tɔaanunnin, mà siŋnun a humbu, mà dendu mɛɛ yinnden le dindi ɲɔɔ yɛ. Vanaa kɔlvesɛiya biinin ɲɛ-ɲɛ bila le, a vanin hiovɔɔ laci a yɔŋ vɔɔndo tosaa. Kɛ vanaa hiow kɔlkaloo-a biinin bila.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Talelan 15:26

Tuula vɔɔnndan la nɛinun Mɛlɛka, kɛ sɔɔn sondon kɛndɔn co n'diandaa ni.

O Kandɔɔ 6:12

Mɛɛ Hala tofa vanndacieea o ceendo coo, mó ca nda a laasiannda kpow, kani vana-vana va kelaa o yɔŋ vɔɔndo nin.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Talelan 21:9

O co fisa mì vana vannun o sɔngilen nin o cɛiyo sɛmtɛ, a calle cɛi pilɔɔ nin niaa vanalanɔ lasɔngɔɔ.

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.

Esai 59:8

A sina nɛi kɔlɲuloo le, dɛnɛ sandaa co o nɛila ndalan coo le, pemama tuunduɛiyan nda co bulio ni, vana-vana kɔɛ pɛ lecoo o sɔla kɔlɲulu le.