Talelan 21:4 - BII BILA

⁴ Tofa heelanndo a kɔl yongaa sólì haki vanaa kɔlvesɛiya ceen ni.

Talelan 21:4 Referans Kwoze

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Talelan 6:17

Lan la co lan ni: Tofa yongaa, sondo dimia lacòòvaa, bala diw vanaa tɛɛmbuu isɔɔ le-a lan,

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Rɔmnda 14:23

Kɛ vana sika pɛ le ɲɛ o co dioo-o, ndu sɔla yaalaa, kani dɛnnda o tosa lan la fula o laalan nin te. Nduyɛ dɛnɛ oo dɛnɛ vana tosa a laalanndo le, ndu co hakio ni.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esai 3:16

Mɛlɛka dimi aa: «Le co cuavaa laandua Siɔn co vanaa heelannda-o, le kɔla nda kɔa a kɛson kindio a á tofa heelanndo lan, le kɔla nda kɔa a nɛiyo ɲɛɛngi-ɲɛɛngi a bamban co nda o labɛngu-on biiŋoo vɔkɔlɔ-vɔkɔlɔ-o,

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Condii lisai 10:4

Vana kɔlvesɛiyo co sɔɛi a Mɛlɛka, o co dimio aa: «Hala yɔŋ vana ɲɛ le tɛɛmbuu le. Hala co le!» Yiyannda ndɔlan kpow la co lan ni.

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Talelan 30:13

Vannda pum yongaa pila nda nɔ ni. Tofa tɛɛndanndo nda tofa caanda ni.

Luke 11:34

Hɔlta nɔmndan la co lamboo le dialun nɔmndon ni. Te la co pɛ la kɛndɛ, dialun nɔmndon kpow n pɛ a ɲɛ-tengaa, kɛ te la co la kɛndɛ le, n pɛ a ɲumndan.

Talelan 24:20

kani vanaa tosaa dɛnnda vɔɔnda nɔ siɔdii kɛndɛ le, maa tɛngɛ co ɲumndo-o yoomu ndaa co ni.

SƐBƐ YƆB-O 18:5

Ken co toɲa, ɲɛ-tengaa vana kɔlvesɛiyo ɲumnin, yinnde co biyɔɔ o ndu lo cɛinin-nden le pɛnginin biyɔɔ.

SƐBƐ YƆB-O 18:6

Ɲɛ-tengaa siŋnunnin ɲumndan o cɛi-kola-toandaa ndɔɔ bɛngu ni, fitina o kɛsin o bollen coo-o ɲumnin.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Condii lisai 131:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Yiyan yonga co ya o kɔl te Mɛlɛka, i nɔ hɔlaa heelaa le. Hɔlte ɲɛ-sɔlaa bɛndu co ya le. I nɔ mako a dɛnnda bɛndula ya tiwba tosaa lan te, i nɔ vɛlɛ mako a la hiow ya ba lan te.

Talelan 6:16

Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.