Talelan 21:21 - BII BILA

²¹ Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

Talelan 21:21 Referans Kwoze

Matie 5:6

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Talelan 22:4

Vanndo tuisin pɛ, mò nɔ siòòŋii Mɛlɛka-e, o sɔla bolofaa, bɛɛlen a yoomu vilɛiyo.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Talelan 15:9

Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Talelan 3:22

Lan la malanin nɔm ni ma vili ceen sɔvɛɔ a ceen yeelɛiyo.

Condii lisai 112:4

Hali o ɲumndan nin, ɲɛ-tengaa vanin le vanaa dendu kɔltan-nda, le vanaa nɔ kɛndɛi ma kaola caanda a ɲííye-a.

Talelan 10:16

O baala vana sandaa tosaa-o nin o sɔla yoomoo ni. Kɛ le dɛnɛ vɔɔndo tosaa vana vɔɔndo tosa baalaa ni.

Talelan 11:19

Vana kelu pɛ le vaa vana sandaa, ndu vanin yoomu, kɛ vana holnun pɛ dɛnɛ vɔɔndo tosaa, ndu sɔlanin piɔ́mndo.