Talelan 21:16 - BII BILA

¹⁶ Vanndo mal pɛ nɛi taasio, mɛɛ ndu keleŋanin lakɔ ciee-piɔ́m mò kɔ va lon nda vanaa co lɛ le-a latulu.

Talelan 21:16 Referans Kwoze

Hebreea 10:38

Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

Condii lisai 49:14

Tofa vɔ ɲɛ co le vanaa co nda pila tiindanndo-a-o, siɔdii laci vanaa yeema mì vannda yaŋ nda nilan-nda pɛɛn:

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Efɛsea 2:1

La va paandu a vílɛ́iya o kɔllo nin le tɛɛmbuula niaalan a le hakila niaalan.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Talelan 13:20

Vanndo kela pɛ a vana kɔlkaloo, ndu bɛɛ kendu kɔl. Kɛ vanndo kela pɛ a diɔm sondo vesɛiyo vana kon kɔndu dɛnɛ.

Talelan 9:18

Nduyɛ, vanaa kan a co sina maa o ciee vanaa vi nin-nda le nda co kɔlan lende le. À co bɛɛ sina maa ciee-piɔ́m te o veelu nda lende le.

Talelan 2:13

vanaa mal nɛi dɛnɛ sandaa ma va kelaa o nɛila maɲumndan coo-a.

Talelan 11:19

Vana kelu pɛ le vaa vana sandaa, ndu vanin yoomu, kɛ vana holnun pɛ dɛnɛ vɔɔndo tosaa, ndu sɔlanin piɔ́mndo.

Esekiɛl 18:24

Te vana sandaa mulul pɛ dɛnɛ sandaa kɔɔ mò tosa dɛnɛ sendu loo, mò tuula vana kɔlvesɛiyo, mò tosa dɛnnda nɔɔlɛila vana kɔlvesɛiyo tosa lan kpow, vana vaa lende lonin pá yoomu? Dɛnnda ndɔla sandaalan faw la cɔmnun ndɛnin ndu coo le. Le kɛɛ o kɛɛ le lou o lediom coo-o a le haki o tosa-o. O sɔlanin piɔ́mndo le dɛnnda lan.

Talelan 5:23

O vunin le tùú o kɛɛ le pɛɛkoo cɛlɔɔ-o. O laasiannin le diɔmii ndɔɛi bɛndu-bɛnduei.»

Talelan 19:16

Vana bii pɛ tɔŋndan o manda yoomu ndɔɔ, kɛ vana dow kela ndɔɔ taasi le, o sɔla piɔ́mndo.