Talelan 21:11 - BII BILA

¹¹ Vana tuisi pɛ vana yongaa sangaa coo le yonga ndɔɔ, vana bii dɛnɛ bila loo sɔla taasio. Vana pɛɛku pɛ vana kɔlkaloo ɲɛ, o sɔla sinapɛngoo.

Talelan 21:11 Referans Kwoze

Talelan 19:25

Soŋ vana yongaa, o kon mì vana bii dɛnɛ bila loo sɔla taasio. Kanalan vana kendu kɔl-lo, o kon mò bii ɲɛ n co ndu cɔm-ndo bila.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Talelan 9:9

Sila vana kɔlkaloo, mò cɔɔlu kɔlkaloo sɔla. Pɛɛku vana sandaa, mì dɛnɛ ndɔ sinaa cɔɔlun.

Dɛnnda kiilaa 5:5

Ananias tueyɔɔ sɔɔn mun, mó del, mó vu. Mí siòòŋii bɛnduei bii vanaa tuei dɛnɛ kon-nda kpow.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Talelan 15:14

Kɔl taasio nuwviaa sinapɛngoo ni, kɛ sondo diɔmndo ndu, diɔmnde o dia ni.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Tɔŋ miingua 13:11

A powtan n lonin ndu viiyo ni háá mo vi, kani ndóò yeema le nɔm faŋaa o nɛi Mɛlɛka Hala nɔmndo coo, o soli nɔm Esipte nɛɛ n va o cɛlen nin-nda-o.

Kundalan 16:34

A lo yeelan, mí Israɛlla kpow a ɲaanun a dimio aa: «N ɲaanun, yɔŋii naa bɛɛ lɛŋnden le miol naa kpow!»

Talelan 9:7

«Vana sila pɛ vana man vannda mamɔɔ tɛɛndanndo-o, o ce nɔm fúú. Vana sila pɛ vana kɔlvesɛiyo, o yeow nɔm.