Talelan 21:1 - BII BILA

¹ Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Talelan 21:1 Referans Kwoze

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Talelan 20:24

Mɛlɛka sìm kela vanacieo laci ni. Te o co kon te vɛ̀ɛ̀ vanaciee kon nɔla yɛ mò bii nɛi ndɔɔ bila?

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Dɛnnda kiilaa 7:10

Mí Hala soli ndu o sangalan kpow nin. Mó ke ndu kɔlkaloo, mí ɲɔɔ hɛnan masaa Esipte a ndu. Mí masa kon siinguu ndu masa ibungaa le lɛŋnde Esipte len kpow a le yungu ndɔɔ kpow.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

Condii lisai 106:46

mí vanaa nda va o ba o biyɔɔ nin-nda kpow tuinun nda iɲíí.

Esai 43:19

La tofa vɔ, i co hunɔɔ ɲɛ sɛnɛiyo pum tosa, ɲɛ kon co nin le tosan. Vɛ̀ɛ̀ la co ɲɛ kon sina le? I co hunɔɔ nɛi bɛndoo busa o lɛŋnde veselɛilen nin, mì soli peela bɛndulan o fondala vesɛila kékélélan nin.

Condii lisai 105:25

Mí Mɛlɛka mangala Esiptea yiyanndan, má nɛinun nda, má muungu nda dúmbúlan yiiyo.

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Condii lisai 74:15

Nɔm kumbi soonnda mamɛnndan a peelan ni, nɔm veeliaa peela ve vela lɔ́ɔ́-lɔ́ɔ̀ le lan ni.

Esai 44:27

I dimul soon bɛndu co o lɛŋnden bɛngu-o aa: ‹Vesa kékélé! I veeliaanin peela nɔmndan!›

Condii lisai 93:4

Kɛ nɔm, a hiow diom mɛmma bɛndu kon, a hiow iyokpanyokpaŋii mɛmma ihɛl-lo. Mɛlɛka co coocoo-o nɔ kpaayaa.

Dɛnnda cɔɔmuanndan 16:12

Mí mɛlɛkanɔ ŋɔmpumndɔɔ cuiŋi ɲɛ va o taala kólaa ndɔɔ nin-ndo o pee bɛndoo Efrate. Mí mɛnndan ma vela le masaa co fulaa a ba paalen le can-ndo-a nɛiyo toosiallo.

Dɛnnda cɔɔmuanndan 16:4

Mí o yàándɔɔ cuiŋi ɲɛ va o taala kólaa ndɔɔ nin-ndo o peela bɛndulan a o peela leboltan, mí la siŋnun koovan.

Condii lisai 114:5

Nɔm mɛmma ihɛllan, le yɛɛ nɛ n ɲaanun yɛ? Nɔm Yurdɛn, vɛ muungoo a makɔɔ,

Condii lisai 114:3

Mɛmma ihɛllan maa cɔu nda, mí ma ɲaanun, mí mɛnndan Yurdɛn o peelo ma muungu a makɔɔ,

Yeremi 39:12

«Kɔ hun a ndu, mà handu ndu hɔlten coo. Tosal ndu dɛnɛ vɔɔn te. Kɛ ɲɛ-ɲɛ o dimul nɔm pɛ a tosal ndu lende.»

Fulaa 7:3

Kɛ i co ndu Faraɔnnɔɔ nilan kindi peŋ. I cɔɔlunin sɔɔn kɔndɔfillon a kaamaalan tosa o lɛŋnde ndɔlen nin.

2Masaa 19:33

Nɛi o kei coo mó hun-ndo, ndu o keinin coo le muungoo ni, o lueinin o kobio ho nin te few. Mɛlɛka dimi lende ni.

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Ɛstɛr 2:17

Mí masaa kaola Ɛstɛr hiovɔɔ vanlaandua tɔ̀a kpow coo, mó ca ndu ɲia, mó tosal ndu dɛnɛ kɛndɔɔ hiovɔɔ cuaambɔa laandua tɔ̀a sina vɔ dɛnɛ vanapɔnɔ le-a kpow coo. Mó vow ndu mɔsil lemasaa, mó siinguu ndu laa ndɔ kɔllo o fonda Vasti-o.